Rritet gati 12% kostoja e punës në katër vite. Kostot më të larta në banka

Rritet gati 12% kostoja e punës në katër vite. Kostot më të larta në banka


Kostoja mesatare e punës në Shqipëri për një orë është rritur gati 12% në katër vite të vlerësuara nga INSTAT. Anketa e publikuar së fundi nga Instituti i Statistikave, tregon se kostoja mesatare për një ore pune ishte 351 lekë në vitin 2016.

Kostot ndryshojnë në varësi të numrit të punonjësve në një kompani, dhe sipas INSTAT rritjen më të madhe e kanë shënuar kompanitë e mëdha.  Në ndërmarrjet me 10-49 të punësuar, kostoja mesatare orare për njësi pune me kohë të plotë është 303 lekë. Për ndërmarrjet me mbi 1 mijë të punësuar kostoja orare është 438 lekë. Në këtë segment, kostoja e punës është rritur gati 21%. Rritjen më të ulët e kanë bizneset me 50-249 punonjës (6,5 %).

Sipas INSTAT anketa është kryer në terren në Prill-Maj të vitit të kaluar. Anketa e Kostos së Punës publikohet një herë në 4 vjet.

Kostot e punës përfshijnë pagesat për punonjësit, pagat në kesh dhe në natyrë, kontributet për sigurimet shoqërore – pjesa e punëdhënësit, kostot e trajnimit professional dhe shpenzime të tjera (si rekrutim, veshje, strehim)

Sipas tabelave të paraqitura nga INSTAT, sipërmarrjet me koston më të lartë janë në sektorin bankar dhe të sigurimeve, ku kostoja e punës në një orë është 700 lekë. Kjo ndiqet nga sektori i Informacionit dhe Komunikacionit (521 lekë/orë) dhe Energji elektrike, furnizimit me gaz, avull dhe ajër të kondicionuar (493 lekë/orë).

Koston më të ulët e ka sektori i akomodimit me 241 lekë për orë.

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #29 - Korrik 2022

Art në biznes & biznes me art

Ky numër vjen me tema të fushave të paprekura më parë nga ne.

Sipërmarrja gjendet kudo, ndaj këtë radhë u ndalëm tek industria e modës dhe kinematografia. Arti është një fushë ku mund të lulëzojnë shumë sipërmarrje të suksesshme. Përmes investimit në art, jo vetëm bëjmë biznes, por i shërbejmë shumë më tepër identitetit shqiptar, duke krijuar mundësi të promovohen e të njihen në tregje globale, vendi, kultura dhe tradita shqiptare. Pra, të hapet rruga edhe për turizëm dhe eksporte më të mëdha.

Sot vijmë me artikuj dedikuar modës, sfidave aktuale, ndikuar nga kriza e çmimeve të larta, por edhe mundësive për zbulimin e talenteve. Muza Competition, konkursi i artistëve të rinj u kurorëzua me 10 finalistë nga diaspora dhe fitoren e një vajze të re. E sapodiplomuar në Amerikë, Alisa Dudaj, spikati, duke treguar me punimet e saj talentin dhe vlerësimin e traditës. Businessmag beson tek talentet dhe synon të frymëzojë përmes tyre. Në fushën e artit ju mund të nisni një startup, ndaj në faqen kryesore sjellim stilisten e re.

Një tjetër industri që po lulëzon mes vështirësish është ajo e kinematografisë. Financat publike vendase janë të ulëta dhe kineastët kërkojnë vë…

Shiko më shumë
Na ndiqni në rrjetet sociale
0