Nëse kompanitë me më pak se 5 të punësuar mbajnë familjet e tyre, kompanitë me më shumë se 50 të punësuar, janë ato që japin kontributin më të madh në ekonomi.
Sipas të dhënave të përpunuara nga Instituti i Statistikave nga Anketa e fundit e Ndërmarrjeve, rezulton se kompanitë me 50 të punësuar japin gati gjysmën e kontributit privat në ekonomi edhe pse ato zënë përbëjnë vetëm 1.2% të bizneseve në kompani. Ato kanë bërë gati 49 % të shitjeve neto, kanë mbi 42 % të të punësuarve gjithsej dhe 60,5 % të investimeve.
Tek këto kompani ka patur ristrukturim dhe zhvillime pozitive përsa i përket efektivitetit. Numri i kompanive prodhuese është ulur 1% krahasuar me një vit më parë, ndërkohë që të punësuarit janë rritur mbi 4%. Shitjet neto janë rritur me 8,6 %, ndërsa investimet u ulën me 7,6 %.
Në sektorin e prodhimit, kompanitë e mëdha zënë peshë më të madhe. Ato janë sa 5% e kompanive prodhuese gjithsej.
Sipas Anketës, “Gjatë vitit 2018, ndërmarrjet me 50 e më shumë të punësuar zunë 5,3 % të ndërmarrjeve prodhuese të të mirave dhe realizuan 67,1 % të shitjeve neto. Numri i të punësuarve në këtë grup zuri 64,0 % të të punësuarve në prodhuesit e të mirave, ndërsa investimet arritën vlerën 108 miliardë lekë dhe përbëjnë 72,9 % të investimeve të prodhuesve të të mirave”.
Vitin e kaluar, 69% e ndërmarrjeve në total kishin 1-4 të punësuar, sipas Institutit të Statistikave.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
