Restorant “take away” dhe food shop. Një pikë takimi me ushqimin - Business Magazine Albania

Restorant “take away” dhe food shop. Një pikë takimi me ushqimin


Shërbimi delivery dhe blerja e produkteve doc të zonës së Toskanës së Italisë, janë të mundura në Toscana Tirana. Davide Perraccino një prej sipërmarrësve të Toscana Tirana, tregon se, “Ne kemi menduar të hapim edhe Toscana Tirana që ndodhet tek Komuna e Parisit. Ajo është hapur si delivery prej gati një muaji, ndërsa prej 4 Prillit, do të shërbejë edhe si pikë shitje për produktet cilësore italiane.

Ndaj prej fillimit të muajit Prill, klientët mund t’u gëzohen porosive për produkte të gatuara, por edhe të kalojnë aty për të blerë, verë, proshutë, djath, vaj ulliri, makarona artizanale, e shumë produkte të tjera tipike të rajonit të Toskanës.

Davide Perraccino, së bashku me Gaio Castagnozzi, na presin në distancë por me shumë përzemërsi ndërsa tregojnë përpjekjet e tyre për të mbajtur motorët ndezur, duke u dhënë kështu shpresë punonjësve, por edhe klientëve të hershëm e të rinj. “Me ushqimin jepet edhe dashuri, ndaj është mirë të shikosh busëqeshjen e klientëve kur marrin ushqimin për të ikur në shtëpi. Mjafton aq për të transmetuar energjinë pozitive”, thotë Perraccino. Ai është i bindur se xhirot e këtyre ditëve e ndoshta edhe ditëve në vijim nuk i mbulojnë kostot e një restoranti, por njëkohësisht mendon se mbyllja është edhe më e dhimbshme. Sipas tij, kjo pandemi do të bëjë që një pjesë e restoranteve dhe hoteleve të mos mund të rihapen më. Riformatimi, sipas kritereve të reja me distanca më të mëdha mes tavolinave është një format që gjithashtu do të rrisë kostot e restoranteve.

Megjithatë Davide është optimist se pandemia do të kalojë dhe gjërat do të rikthehen në normalitet, ndonëse për disa prej bizneseve si ai i turizmit, do të duhet të presim vitin e ardhshëm për të parë dinakimën e duhur të fluksit.

“Nga Toscana Tirana shërbimi delivery po funksionon prej rreth një muaji krahas dhjetëra restoranteve që janë angazhuar në delivery, ndërsa duke nisur nga fillimi i muajit Prill, produktet doc. të zonës së Toskanës mund t’u pasurojnë tavolinën dhe t’u përmirësojnë humorin.

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #25 - Mars 2021

Kjo periudhë përkon me një vit të plotë në kushte pandemie në vendin tonë, në Europë dhe në mbarë botën. Në një vit ndodhën shumë zhvillime, të paparashkuara ndonjëherë më parë nga ne, duke hedhur poshtë shumë plane apo projekte tonat për rritjen. Por, në këtë kohë sipërmarrje të ndryshme u vunë në lëvizje për të gjetur zgjidhje të reja e për të siguruar mbijetesën.

Në këtë numër të revistës, vijnë zhvillimet përmes gjurmëve që kanë lënë tek industri, sipërmarrje apo individë sipërmarrës.

Pano Soko, ekonomist i njohur flet për efektet e paketave ekonomike të mbështetjes dhe nevojën për paketa ndihme në industritë e prekura.

Rubrika 3X3 i kushtohet industrisë së verërave. Nga intervistat tona me 3 prodhues rezulton se

verërat shqiptare janë të “paralizuara” nga pandemia.

Verërat janë në një trend me turizmin. Brunila Liçaj, profesore dhe eksperte në fushën e turizmit është optimiste për të ardhmen e kësaj fushe.

Në rubrikën e brandeve kemi sjellë, fabrikën e qumështit dhe prodhimeve të bulmetit “Lufra”, ndërsa një brand që po rimëkëmbet nga Kosova është prodhuesi i këpucëve artizanale “Perolli”. Të dy këto brande janë model frymëzimi për njerëzit e punës!

Një pjesë e rëndësishme e revistës i dedikohet konkursit dhe fituesve të Businessmag në …

Shiko më shumë
Na ndiqni në rrjetet sociale
0