Të martën, zinxhiri i shitjeve REI deklaroi se 143 dyqanet e saj do të mbyllen gjatë ditës më të madhe të blerjeve në vit, Të Premtes së Zezë.
Kompania me vlerë 2.2 miliardë dollarë me bazë në Seattle, do të paguajë 12,000 punonjësit e saj të heqin dorë nga burimi i përvitshëm i fitimeve nga shitjet dhe të zgjedhë të dalë jashtë Të Premtes së Zezë, duke përdorur hashtagun #OptOutside, në një fushatë të sapo iniciuar nëpër rrjetet sociale.
CEO i REI-t, Jerry Stritzke inkurajon blerësit e asaj dite:”Ne mendojmë që e Premtja e Zezë ka dalë jashtë kontrollit tonë , ndaj ne kemi zgjedhur të investojmë për t’i inkurajuar njerëzit që ta kalojnë kohën bashkë gjatë sezonit festiv. Ju ftojmë të na bashkoheni me eksperiencat tona. Shpresojmë të angazhojmë miliona amerikanë dhe të galvanizojmë komunitetin e shitjeve që të që të mos marrin pjesë atë ditë.”
Reagimet nga publiku në Twitter kanë qenë tejet pozitive, më tepër se ç’pritej.
“Sakrifiko një ditë shitjesh për 365 ditë besnikëri ndaj markës,” ka postuar një përdorues në hashtagun #OptOutside. “Shpresoj që të jetë e goditur”, shkruan një tjetër.
Kush e di…mbase po godet! Nuk besoj se do të shohim ndonjëherë kompani të tilla si Walmart të sabotojnë ditën e përfitimeve kolosale. Por ndjesia e publikut ndaj ditës së shitjeve të mëdha që po shndërrohet në pesë ditë “lirë për të gjithë” duket se po ndryshon.
Sipas Federatës Kombëtare të Tregtisë me Pakicë, gjatë 2014-ës, shitjet e të Premtes së Zezë ranë me 11%, pavarësisht se shumë dyqane vendosën të hapnin dyert e tyre më herët gjatë asaj të premteje, e cila përkon me Ditën e Falenderimeve për amerikanët.
Për të lexuar më tepër lidhur me temën lexoni artikullin Shitjet Online: E Premtja e Zezë pritet të gjenerojë 1 miliardë pound! nga Business Magazine.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
