Blerjet e ofertave nga telefonët do t’i kalojnë blerjet nga tabletët


Një raport i ri kërkimor për udhëtimet nga Abode, i quajtur Digital Index (Indeksi Dixhital), ka nxjerrë në pah se prenotimet mobile ( me anë të celularit) kanë shënuar gjithnjë një ndikim në të ardhurat globale të udhëtimeve.
Analiza masive e të dhënave të raportit, që mori në vëmendje rreth 15 miliardë vizita në sitet kryesore të udhëtimeve, linjat ajrore dhe hotelet në Shtetet e Bashkuara të Amerikës, zbuloi se një në çdo 5 dollar shpenzim në rezervimin e udhëtimit vjen nga celularët. Kërkimi mbuloi periudhën midis 2013-2015. Ekipi kërkues nga Abode analizoi më shumë se 3 milion klikime në median sociale dhe kontaktoi me 1000 konsumatorë amerikanë për të kuptuar rolin e aparaturave celulare në industrinë e udhëtimeve.

Statistikat e raportit tregojnë se 20 % e prenotimeve vijnë nga celularët (smartphone apo tabletë) dhe ky numër është 6 % më i lartë se vitin e shkuar.

Sitet e udhëtimit, që janë miqësorë ndaj prenotimeve me celularë, po inkurajojnë gjithnjë e më shumë konsumatorët për të blerë ofertat e tyre të udhëtimit nga telefonët dhe tabletët. Strategjitë e mirëmenduara të medias sociale mund të jenë më të frutshme për specialistët e marketingut për të promovuar sitet e udhëtimeve se sa përqëndrimi tek protokollët e kërkimit celularë.

Raporti parashikon se kjo do të jetë vera e parë kur blerjet e ofertave të udhëtimeve nga telefonët do t’i kalojnë blerjet nga tabletët në industrinë globale të udhëtimeve.

Must watch
Business Mag Nr. #24 - Tetor 2020

Numri 24 i revistës Businessmag.al sjell një panoramë të zhvillimeve, përshtatjeve dhe ecurisë në sektorë të ndryshëm të ekonomisë. Në të njëjtën kohë, shohim zhvillime relativisht të kënaqshme.  Organizime të reja si Dhoma Ekonomike e Gruas, duket si një shpresë për më shumë zë, lobim dhe mbështetje për gratë sipërmarrëse dhe sipërmarrjet e reja.

Gjatë kësaj periudhe angazhime si programi “Ringrihu më i fortë”, ishin një lloj kundërpërgjigje ndaj dëmeve ekonomike që po shkakton pandemia.

Influencerat vijojnë të rrisin hapësirat e tyre dhe janë bërë një instrument i rëndësishëm marketimi. Në brendësi të revistës do të gjeni renditjen e top 100 influencerave më të mëdhenj në vend.

Gjatë kësaj vere ndërkohë, vetë Businessmag pati një fushatë të suksesshme të promovimit të turizmit shqiptar. Qindra të rinj u angazhuan të dërgojnë foto dhe përshkrimet e vendeve të ndryshme të Shqipërisë.

Shiko më shumë
Na ndiqni në rrjetet sociale