Qeveria, BERZH dhe BE vendosin 236 milionë euro kredi dhe grante në dispozicion për turizmin dhe agroturizmin - Business Magazine Albania

Qeveria, BERZH dhe BE vendosin 236 milionë euro kredi dhe grante në dispozicion për turizmin dhe agroturizmin

Banka Evropiane për Rindërtim dhe Zhvillim vendosi edhe për këtë vit një fond-kredie, dedikuar investimeve të agrobizneseve dhe turizmit në Shqipëri. Kreditimi me norma të ulëta interesi nga ana e BERZH, shpesh ka nxitur fermerët dhe sipërmarrësit të aplikojnë për të përfituar.

Për të marrë fondet kërkohet të paktën 50% kolateral për investimet në bujqësi, ndërsa nëse bëhen investime kapitale(linja prodhimi, makineri) 10% e shumës së kredisë përfitohen si grant.

“Nënshkrimi i marrëveshjes sot është një hap përpara në këtë drejtim. BERZH ka vënë në dispozicion një fond deri më 100 milionë euro për financim dhe për lehtësira për ndarjen e rrezikut, të cilat do të mundësojnë një investim shtesë prej 80 milionë eurosh nga institucionet financiare pjesëmarrëse. Nga ana e saj, qeveria shqiptare ka vendosur në dispozicion deri në 36 milionë euro për të mbështetur këtë program, nëpërmjet mbulimit të riskut për humbjet e para në harkun kohor të 3 viteve.” – u shpreh Guvernatori Gent Sejko.

Lexo edhe: Themelohet Shoqata e Agroturizmit Shqiptar

Ndërkohë ministrja e Bujqësisë, Frida Krifca njoftoi domosdoshmërinë që ka sektori për më shumë financim.

“Fondet drejtuar bankave tregtare për të kredituar bujqësinë shqiptare po rriten. Normalisht, nuk jemi të kënaqur me nivelin e kreditimit në vend për agropërpunimin dhe bujqësinë dhe më shumë duhet bërë nga të gjithë ne.”

Ndërsa ministrja e Turizmit dhe mjedisit, Mirela Kumbaro u shpreh se duhet bërë më shumë për promovimin e këtyre kredive.

“Si deputet e qarkut të Gjirokastrës nuk kam parë bankat e nivelit të dytë që të promovojnë këto paketa lehtësuese. Duhet të dilni nga zyrat dhe sportele për të shkuar në terren pranë kandidatëve potencialë të fondeve dhe t’i shpjegoni lehtësitë që përfitojnë.”

Prej fillimi të programit në vitin 2016, më shumë se 6,100 ndërmarrje të vogla e të mesme në fushën e agrobiznesit kanë përfituar kredi në vlerën 70 milionë euro.

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #29 - Korrik 2022

Art në biznes & biznes me art

Ky numër vjen me tema të fushave të paprekura më parë nga ne.

Sipërmarrja gjendet kudo, ndaj këtë radhë u ndalëm tek industria e modës dhe kinematografia. Arti është një fushë ku mund të lulëzojnë shumë sipërmarrje të suksesshme. Përmes investimit në art, jo vetëm bëjmë biznes, por i shërbejmë shumë më tepër identitetit shqiptar, duke krijuar mundësi të promovohen e të njihen në tregje globale, vendi, kultura dhe tradita shqiptare. Pra, të hapet rruga edhe për turizëm dhe eksporte më të mëdha.

Sot vijmë me artikuj dedikuar modës, sfidave aktuale, ndikuar nga kriza e çmimeve të larta, por edhe mundësive për zbulimin e talenteve. Muza Competition, konkursi i artistëve të rinj u kurorëzua me 10 finalistë nga diaspora dhe fitoren e një vajze të re. E sapodiplomuar në Amerikë, Alisa Dudaj, spikati, duke treguar me punimet e saj talentin dhe vlerësimin e traditës. Businessmag beson tek talentet dhe synon të frymëzojë përmes tyre. Në fushën e artit ju mund të nisni një startup, ndaj në faqen kryesore sjellim stilisten e re.

Një tjetër industri që po lulëzon mes vështirësish është ajo e kinematografisë. Financat publike vendase janë të ulëta dhe kineastët kërkojnë vë…

Shiko më shumë
Na ndiqni në rrjetet sociale
0