Pse investitorët nuk kanë pse të frikësohen nga shpërthimi i flluskës bitcoin? - Business Magazine Albania

Pse investitorët nuk kanë pse të frikësohen nga shpërthimi i flluskës bitcoin?


Bitcoin mbetet ende diskutimi i tregjeve financiare.

Rritja e çmimeve stratosferike këtë vit, e treguar në grafikun e mëposhtëm nga Capital Economics, ndihmon të shpjegojë se pse ka kaq shumë interes për momentin.

Fenomenale, apo jo?

Përveç spekulimeve se pse çmimet janë rritur deri më tani në mënyrë kaq të shpejtë, pika tjetër kryesore për të cilën flitet, është nëse bitcoin është një flluskë, e destinuar për të shpërthyer.

Lexoni: Prishtina tashmë do të ketë ATM-në e parë funksionale të Bitcoin

Ndërkohë që debati nuk ka gjasa të zgjidhet në një periudhë afatshkurtër, Andrew Kenningham, ekonomisti kryesor në Capital Economics thotë se, edhe nëse flluska e bitcoin plas, pasojat e saj të mëvonshme do të jenë të vogla për tregje më të gjera të aseteve, në sistemin bankar ose ekonominë globale.

“Së pari, mund të ketë një goditje ndaj shpenzimeve familjare pasi njerëzit që kanë investuar pësojnë humbje. Por, kapitalizimi i tregut të bitcoin është shumë i vogël për të qenë një shqetësim. Aktualisht ajo është rreth 240 miliardë dollarë, gjë që është shumë më e vogël se vlera e përgjithshme e arit në vlerë prej $ 8 trilionë dollarësh ose vlera e Apple në 900 miliardë dollarë.

“Nëse çmimi i bitcoin bie në zero sot, humbjet e kartmonedhës do të ishin ekuivalente me një rënie prej 0.6% të çmimeve të kapitalit Amerikan. Ndërsa shumica e investitorëve kanë blerë bitcoin me çmime shumë më të ulta, humbjet përkatëse do të jenë ndoshta më të vogla.”

Kjo tabelë nga Capital Economics krahason vlerën aktuale neto të Bitcoin në krahasim me tregjet e tjera më të qëndrueshme të aseteve.

Duke pasur parasysh vlerën relativisht të vogël në tablonë e madhe, Kenningham thotë se një flluskë bitcoin do të ketë pak pasoja për sistemin bankar global, sepse bitcoin mbahet dhe tregtohet jashtë sektorit bankar.

Lexoni: Po nëse flluska e Bitcoin “shpohet”?

“Ndryshe nga flluskat në sektorin e teknologjisë në fund të viteve 1990 dhe në pronat e SHBA disa vjet më vonë, një shpërthim i flluskës bitcoin nuk do të ketë implikime sistemike, makroekonomike.

Vlera e përgjithshme e bitcoin është ende shumë e vogël dhe ka pak lidhje me ekonominë,” përfundon ai.

burimi: BusinessInsider

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #28 - Prill 2022

Si sipërmarrës e keni dëgjuar, madje e keni predikuar shprehjen: jeta nuk bëhet më e lehtë, thjesht ju bëheni më të fortë. Kësaj radhe po e përjetojmë siç nuk e kishim imagjinuar.

Ndërsa po synonim të dilnim nga kthetrat e pandemisë, një tjetër plagë goditi Europën. Sulmi rus ndaj Ukrainës, i pakonceptueshëm nga bota moderne, erdhi si një Tsunami në Europë dhe madje në të gjithë Botën. Lufta me armë shkatërruese, deri tek kërcënimi i përdorimit të armëve nukleare, po sjell një dëm të jashtëzakonshëm për Ukrainën dhe popullin e saj. Mijëra të vrarë dhe mbi 4 milionë të shpërngulur nga vendi, pavarësisht rezistencës së fortë dhe të paparashikuar të ukrain- asve.

Zhvillimet dinamike në më pak se një muaj, çuan në vendime të pamenduara më parë për dhjetëra kompani ndërkombëtare. Tregjet e lëndëve të para panë çmime të rritura me ritmet më të larta të 40 viteve të fundit, ndërsa sheshet në kryeqytetet botërore, përfshirë Tiranën, pritën protestat, fillimisht kundër luftës e më tej kundër rritjes së çmimeve. Më 8 Mars, Çmimi i Naftës kaloi nga 199 lekë/litër në 260-270 lekë për litër, ndërsa po gjatë marsit, çmimi i bukës masive kaloi nga 80 lekë në 100 dhë së fundi 120 lekë. Qeveria ngriti komitete për të …

Shiko më shumë
Na ndiqni në rrjetet sociale
0