“Pse dua të marrë pjesë në Spark.me?" Hapet thirrja për blogger të konferencës
Përditësuar së fundmi: 15/03/2019

“Pse dua të marrë pjesë në Spark.me?” Hapet thirrja për blogger të konferencës

Share
nga Neada Muçaj
Mar 15, 2019

Ekipi organizues i Spark.me, një nga konferencat më të rëndësishme të internetit dhe biznesit në Europën Juglindore, e cila është caktuar në muajin Maj në datat 25-26, në Porto Montenegro, Tivat, Mal i Zi, ka hapurr thirrjen për blogger-ë zyrtarë të Spark.me 2019. Blogger-ët e interesuar nuk janë të limituar vetëm në formatin e tekstit. Ata janë të lirë të përdorin gjithashtu audio dhe video, në formatin e një podcast-i apo vlog-u (blog me video).

Për të aplikuar, blogger-ë potencialë, vlogger-ë apo podcasters duhet të shkruajnë një postim në blogun e tyre, të filmojnë një video apo të regjistrojnë një podcast me temën “Pse dua të marrë pjesë në Spark.me 2019?”, ta shpërndajnë atë në rrjetet e tyre sociale me hashtag-un #SparkMe, të bëjnë tag faqen zyrtare të Spark.me dhe të plotësojnë formularin e aplikimit në http://spark.me/ambassadors/. Afati i aplikimit është 19 Prill, 23:59:59 UTC. Lista e blogger-ëve zyrtarë të Spark.me do të publikohet në website-in e konferencës më 26 Prill.

Lexoni: Rikthehet Spark.me 2019 me folësen e parë, Anab Jain, fituese e disa çmimeve në dizajn dhe në prodhimin e filmave

Blogerët e Spark.me 2019 do të përfitojnë: një biletë falas për të dyja ditët në Spark.me (duke përfshirë hyrjen e lirë në të gjitha seancat e konferencës), akomodimin në hotelin me 4 yje “Magnolia” në Tivat; udhëtim në Gjirin e Kotorrit të rezervuar për folësit Spark.me, partnerët dhe organizatorët dhe titullin në faqen zyrtare të konferencës si blogger zyrtar i Spark.me 2019. Blogger-ët zyrtarë të Spark.me 2019 pritet të publikojnë dy përmbajtje që lidhen me konferencën (një postim në blog, një video ose një podcast) përpara datës 17 Maj, të publikojnë një pjesë të përmbajtjes gjatë javës së lançimit të biletave Super Early Bird për Spark.me 2020.

Deri më tani Spark.me ka njoftuar pjesëmarrjen e dy folësve – Anab Jain (folës, dizajner, producent dhe bashkëthemelues i Superflux – një kompani inovacioni për dizajn dhe teknologji) dhe Jeremiah Owyang (një partner themelues i Kaleido Insights dhe Disruptive Technology Expert, i cili konsiderohet autoriteti më i madh në programet e inovacionit të korporatave). Folës të tjerë do të publikohen në vazhdim edhe në faqen e Business Magazine Albania.

Lexoni: Jeremiah Owyang, CEO i Catalyst Companies, është folësi më i ri në Spark.me 2019

Biletat e Spark.me janë në dispozicion në faqen zyrtare të konferencës www.spark.meStudentët e shkollave të mesme, studentët në universitet, në studime pasuniversitare dhe PhD, të cilët janë deri në 27 vjeç mund të marrin biletën e tyre për çmimin special 50 €.

Spark.me, një nga konferencat më të kuruara të biznesit/internetit në Europën Juglindore, do të mbahet në datat 25-26 Maj, 2019, në Porto Montenegro Auditorium, në qytetin e Tivarit, zemra e industrisë së turizmit bregdetar të Malit të Zi. Ky është viti i parë që Spark.me do të mbahet në Portin e Malit të Zi.