Dy monedhat më të mëdha digjitale Bitcoin dhe Ethereum janë dukë pësuar një rënie të ndjeshme çmimi në treg, pasi arritën nivelet më të larta të të gjitha kohërave. Por, fenomeni që vihet re në tregun e kriptovaluta është se monedhat alternative, apo të ashtuquajtura Altcoins janë duke shijuar sukses.
Një shembull është Z-Cashi cili është rritur afërsisht me 30% që nga fillimi i nëntorit, sipas të dhënave të Bloomberg. Kriptomonedha “Avalanche” gjithashtu është stabël në treg, duke u rritur me 50%, ndërsa monedha Crypto.com CRO ka avancuar mjaftueshëm për t’u bërë e 13-ta më e madhe për nga vlera e tregut, që ka arritur në 18 miliardë dollarë.
Nuk është e pazakontë që të ashtuquajturat monedha alternative të rriten ndjeshëm, ndërsa vëllezërit e tyre më të mëdhenj të vuajnë. Kjo për shkak se shumë prej tyre janë të lidhur me narrativa specifike që ndihmojnë në ngritjen e tyre. Crypto.com, për shembull, njoftoi javën e kaluar një marrëveshje për të zëvendësuar Staples si sponsor titullin e një qendre sportive ikonike në Los Angeles. Analistët thonë se kjo ndihmoi që monedha CRO të shkojë lart.
“Pavarësisht turbulencave, ky është ende teknikisht një treg me rritje”, tha Mati Greenspan, themelues dhe CEO i Quantum Economics. “Kështu që paratë që dalin nga monedhat me kapitalizim të madh në treg mund ta gjejnë lehtësisht rrugën drejt disa prej monedhave më të vogla.”
Strategët përmendën një sërë arsyesh përse Bitcoin dhe disa nga kriptovalutat e tjera tradicionale janë shitur, duke përfshirë goditjen që Kina po i bën kriptomonedhave dhe rregullat e reja të raportimit të taksave në SHBA, të cilat po shihen si jo miqësore për investitorët e kriptove.
Për Mike McGlone të Bloomberg Intelligence, ka kuptim të shohësh disa nga kriptomonedhat tradicionale të marrin frymë, teksa nxitonin drejt majave.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
