Në Tiranë, protestës së opozitës i është përgjigjur parlamenti, duke anuluar seancën plenare të së enjtes. Por nuk ka mjaftuar kaq. Autoriteti i Komunikimeve Elektronike e Postare ka bërë të ditur se janë ndërprerë valët e telefonisë së lëvizshme. Ndërprerja e sinjalit telefonik bëhet nga ora 11:00 deri në orën 16:00 të 21 shkurtit.
Sipas njoftimit zyrtar, udhëzimi i operatorëve të telefonisë celulare për ndërprerje të shërbimeve telefonike në disa zona të Tiranës, është bërë me kërkesë të Drejtorisë së Përgjithshme të Policisë së Shtetit. Në këtë rast argumenti është: marrje e masave për zbatimin e detyrimeve që kanë të bëjnë me mbrojtjen e interesave të vendit dhe të sigurisë publike.
Përmes njoftimit zyrtar, AKEP iu kërkon ndjesë qytetarëve lidhur me kufizimet e përkohëshme të shërbimeve dhe shpreson që situata të tilla të mos jenë të nevojshme në të ardhmen.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
