Në fazën e parë të punimeve, zv/kryeministri Niko Peleshi dhe ministri i Energjisë Damian Gjiknuri inspektuan kantierin e segmentit Vithkuq-Shtyllas në Korçë, ku po ndërtohen rrugët lidhëse dhe ndihmëse të gazsjellësit TAP.
Viti i parë i punimeve, siç bëri me dije ministri i Energjisë Gjiknuri, do të ketë pjesën më të madhe të disbursimit të parave për projektin, ndërsa deri tani, sipas drejtuesve në kantier, punimet po ecin sipas ritmeve të planifikuara: “Do të ketë një ndikim të menjëhershëm në ekonominë shqiptare. Janë mbi 1000 persona të punësuar dhe kjo është një impakt i madh për komunitetet këtu”.
Ky projekt, sipas zv/kryeminsitrit Niko Peleshi, edhe pse mund të ndikojë në jetën e përditshme të banorëve, është një nga më të rëndësishmit për ekonominë e vendit, e në këtë pikë ai kërkoi bashkëpunimin e të gjithë aktorëve lokalë për ecjen me ritme të kënaqshme të punimeve: “Është një projekt i vështirë që do të krijojë problemet e veta në funksionimin e jetës së përditshme në komunitet, por përfitimi do të jetë i madh. Kemi marrë angazhimin serioz të kompanisë në mënyrë që komuniteti ta shohë këtë projekt si përfitim”.
Gjatë vitit 2016 projekti për ndërtimin e TAP-it në territorin shqiptar parashikon shtrimin e tubacioneve. Vendi ynë do të përshkohet nga një linjë prej 242 kilometrash tubacion, në hapësirën tokësore dhe detare. Dalja në det e tubacioneve nga Shqipëria do të bëhet në veriperëndim të Fierit, për të prekur bregun e jugut italian.
/Top-Channel/
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
