Produkti i studentëve shqiptarë që lehtëson punën në laptop

Produkti i studentëve shqiptarë që lehtëson punën në laptop


 

Laptopët janë duke u bërë mjeti kryesor i punës duke lënë prapa kompjuterët.

Shumë njerëz shpenzojnë orë të tëra gjatë ditës duke punuar në zyrë ose shtëpi në laptopët e tyre.

Edhe pse si pajisje më e lehtë për tu bartur dhe e lehtë për t’u përdorur, laptopët nuk janë të dizajnuar ergonomikisht për përdorim.

Qëndrimi për një kohë të gjatë ulur duke punuar në laptopë ka shumë efekte negative për trupin duke shkaktuar dëmtime, lodhje dhe tendosje gjatë punës.

Shumë pak njerëz kujdesen për ndikimin negativ që ka kjo në trupat e tyre.

Një grup të rinjsh kosovarë kanë treguar talentin e tyre duke krijuar një produkt të ri, mbajtëse për laptop-in.

Kjo mbajtëse është punuar nga druri mediapan dhe është ndërtuar në dimensione që lartësia e laptopit t’i përshtatet trupit të njeriut.

Produkti i krijuar përveç se mban laptopin, ndihmon trupin tuaj në shumë aspekte.

Kjo pajisje zvogëlon tendosjen, lodhjen dhe dëmtimet gjatë punës.

Studentët të cilët kanë krijuar këtë pajisje fillimisht kanë filluar me prodhimin e një sasie të vogël, por besojnë që në të ardhmen e afërt njerëzit të ndërgjegjësohen për rëndësinë e saj dhe kjo sasi e prodhimit të rritet.

Një pajisje e tillë ndihmon edhe në produktivitetin e punës tuaj, prandaj nëse jeni përdorues i laptopit ky produkt nuk duhet të ju mungojë.

/Telegrafi

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #28 - Prill 2022

Si sipërmarrës e keni dëgjuar, madje e keni predikuar shprehjen: jeta nuk bëhet më e lehtë, thjesht ju bëheni më të fortë. Kësaj radhe po e përjetojmë siç nuk e kishim imagjinuar.

Ndërsa po synonim të dilnim nga kthetrat e pandemisë, një tjetër plagë goditi Europën. Sulmi rus ndaj Ukrainës, i pakonceptueshëm nga bota moderne, erdhi si një Tsunami në Europë dhe madje në të gjithë Botën. Lufta me armë shkatërruese, deri tek kërcënimi i përdorimit të armëve nukleare, po sjell një dëm të jashtëzakonshëm për Ukrainën dhe popullin e saj. Mijëra të vrarë dhe mbi 4 milionë të shpërngulur nga vendi, pavarësisht rezistencës së fortë dhe të paparashikuar të ukrain- asve.

Zhvillimet dinamike në më pak se një muaj, çuan në vendime të pamenduara më parë për dhjetëra kompani ndërkombëtare. Tregjet e lëndëve të para panë çmime të rritura me ritmet më të larta të 40 viteve të fundit, ndërsa sheshet në kryeqytetet botërore, përfshirë Tiranën, pritën protestat, fillimisht kundër luftës e më tej kundër rritjes së çmimeve. Më 8 Mars, Çmimi i Naftës kaloi nga 199 lekë/litër në 260-270 lekë për litër, ndërsa po gjatë marsit, çmimi i bukës masive kaloi nga 80 lekë në 100 dhë së fundi 120 lekë. Qeveria ngriti komitete për të …

Shiko më shumë
Na ndiqni në rrjetet sociale
0