Pas vendosjes së taksës për mbetjet plastike dhe kundërshtimit të vazhdueshëm të kompanive, qeveria është tërhequr pjesërisht. Një projektligj që ka mbërritur në Kuvend parashikon uljen e taksës për to dhe në përgjigjësi për lëndët primare.
Kur këto lëndë importohen për të prodhuar artikuj të plastikës në vend, taksa parashikohet të zbresë nga 25 lekë/kg që aplikohet tani në 10 lekë/kg”.
Rritja e taksës për importin e lëndëve të riciklueshme, aplikuar disa vite më parë, synonte uljen e importeve dhe rritjen e përpunimit të mbetjeve në vend. Ekonomistët vlerësuan atëherë se një nga arësyet e rritjes së taksës ishte frenimi i importit dhe risku i lartë i menaxhimit të importit të mbetjeve. Industria e riciklimit prej vitesh ka kërkuar të bëhet një ndarje e qartë mes mbetjeve dhe lëndëve të riciklueshme.
Lexo: Parlamenti Europian ndalon tregtimin e plastikës një përdorimshe
Në projektligj parashikohet edhe rimbursimi i taksës, kur prodhimi plastik apo ambalazhet e tjera eksportohen.
Në rastet kur lënda e parë e importuar pritet të përdoret për arësye të tjera (pra, jo ambalazh), propozimi është që lënda të mos taksohet. Flitet për procese teknologjike për prodhimin e mallrave jo plastikë. Më konkretisht, importi pritet të përjashtohet nga taksat nëse flitet për prodhimin e sfungjerëve, mobiljeve, apo kur prodhohen lëndë të para me përmbajtje proteinike/celuzoike për industrinë e prodhimit të sallameve, apo edhe në funksion të eficencës së energjisë.
Në relacionin që shoqëron projektligjin, parashikohet që efekti financiar të jetë rreth 225 milionë lekë në një vit, nisur nga importet vjetore të plastikës mesatarisht 15 mijë tonë.
Lexo Relacionin e Projektligjit
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
