Presidentja Jahjaga në fund të mandatit interesohet për zhvillim ekonomik

Presidentja Jahjaga në fund të mandatit interesohet për zhvillim ekonomik


Presidentja Atifete Jahjaga, e shoqëruar nga drejtuesit e Odës Ekonomike të Kosovës (OEK), Odës Ekonomike Amerikane në Kosovë (OEAK) dhe Odës Ekonomike Gjermano Kosovare (OEGJK), fillon dje vizitat në disa komuna të Kosovës, me qëllim të përkrahjes së zhvillimit ekonomik lokal dhe përkrahjes së investimeve të huaja në vendin tonë.

Gjatë ditës së djeshme, Presidentja Jahjaga vizitoi komunën e Klinës, të Istogut, të Pejës, të Deçanit dhe atë të Junikut.

Në një deklaratë bërë për media, para fillimit të vizitave, Presidentja Jahjaga tha se e ka marrë këtë iniciativë me asociacionet e bizneseve, për të nxitur një dialog të nevojshëm dhe të munguar për zhvillimin ekonomik, punësimin dhe investimet e huaja. “Është tashmë e qartë që zhvillimi ynë ekonomik varet nga krijimi i një klime të favorshme investimi, pa pengesa administrative, me sundim të fortë të ligjit dhe konkurrencë të barabartë. Vizita ime së bashku me Odat ekonomike ka për qëllim adresimin e drejtpërdrejtë të këtyre pengesave për të ndihmuar bizneset që të depërtojnë në Kosovë, në përpjekje për të ulur papunësinë dhe për të ngritur kualitetin e jetës në Kosovë”, tha ajo.

Jahjaga ka theksuar se gjatë tërë mandatit të saj e ka adresuar zhvillimin ekonomik në mënyra të ndryshme, prej komunikimeve të drejtpërdrejta me investitorë të huaj e deri te inicimi i partneriteteve strategjike. “Duhet t’i adresojmë me urgjencë edhe problemet në nivelin komunal sepse pa i tejkaluar këto sfida është e vështirë të sjellim investitorë në Kosovë. Unë jam e përkushtuar të kontribuoj deri në ditën e fundit të mandatit tim për të krijuar një ambient të favorshëm për investime”, tha Presidentja Atifete Jahjaga e cila përfundon mandatin në prit të këtij viti.

E, Safet Gërxhaliu, kryetar i Odës Ekonomike të Kosovës (OEK), ka thënë se është shumë mirë të fillohet viti i ri me prioritete për zhvillim ekonomik. “Është një aktivitet që e promovon një impakt të mirëfilltë publiku privat, është një motivim për sektorin privat dhe është një dëshmi se në Kosovë prioritet i prioriteteve duhet të jetë zhvillimi ekonomik, dhe në qoftë se ky prioritet ka mbështetjen nga e para e Republikës së Kosovës, Presidentja Jahjaga, atëherë vërtet për ne si përfaqësues të biznesit është një lehtësi, motivim dhe një dëshmi që Kosova ka ardhmëri dhe zhvillimi ekonomik duhet të jetë prioritet. Faleminderit për përkushtim dhe për mbështetje zonja Presidente”, tha Gërxhaliu.

Ndërkaq, Arian Zeka, kryetar i Odës Ekonomike Amerikane në Kosovës (OEAK), tha se odat e bizneseve kanë përgatitur një dokumentë me çështje me të cilat bizneset përballen nëpër komuna të ndryshme.
“Janë disa probleme të cilat i kemi identifikuar dhe që presim që t’i komunikojmë bashkërisht. Plani është që gjithashtu brenda një periudhe të shkurtër të bëjmë sërish vizita, por herën tjetër të bëjmë nëpër kompani, që të shohim nëse ka pasur lëvizje nga ana e kryetarëve të komunave në drejtim të adresimit të këtyre çështjeve që i kemi identifikuar”, theksoi Zeka.

Kurse Albert Matoshi, drejtor ekzekutiv i Odës Ekonomike Gjermane, tha se iniciativa e presidentes ëhstë shumë e mirë e cila ka gjetur përkrahjen edhe të Odës Gjermane.

/Telegrafi/

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #35 - Qershor 2024

Ja si sipërmarrës të guximshëm përmes inovacionit ndikojnë industri të tëra!

 

Ky numër i revistës mund të quhet numri i dedikuar sipërmarrësve, nismëtarëve dhe inovatorëve. Atyre të cilët me guxim, këmbëngulje dhe me risi nxisin transformimin e industrive me ndikim në jetët tona. Këto përvoja, sfida, ide të reja, aplikime dhe bashkëpunime të tyre, vijnë nëpërmjet Business Mag Albania, nr. 35. 

Për ty, që po e mban në dorë këtë revistë, kemi diçka të re! Tani mund të dëgjosh me zë artikujt që lexon tek BusinessMag. 

Në partneritet me Nullius in Verba, sjellim një mënyrë revolucionare për të konsumuar përmbajtjen. Falë teknologjisë së avancuar të AI, tani mund të dëgjoni me zë artikujt tuaj të preferuar në çdo kohë dhe vend, duke ju lejuar të informoheni ndërsa jeni në lëvizje. Ky bashkëpunim inovativ pasqyron përkushtimin tonë për të mbështetur sipërmarrjen dhe zhvillimin e modeleve të suksesshme, duke sjellë përvojë të re dhe vlerë të shtuar për ju si lexues. Skano kodet QR në çdo artikull dhe shijo nga kudo që të jesh një format të ri, mundësuar nga Inteligjenca Artificiale, aplikuar nga një …

Shiko më shumë
Na ndiqni në rrjetet sociale
0