Premtimet elektorale, Rama: paga minimale 40 mijë lekë - Business Magazine Albania

Premtimet elektorale, Rama: paga minimale 40 mijë lekë

Premtimet elektorale

Duke folur për objektivat e mandatit të tretë, Kryeministri Edi Rama ka deklaroi se qeveria synon ta çojë pagën minimale në 40 000 lekë në fund të mandatit.

Ai shpalosi në daljen e tij publike Planin e Veprimit 2021-2025, ku theksoi se nga Janari i vitit të ardhshëm do të hiqet taksa mbi pagën aktuale deri në 40 mijë lekë, ndërkohë që për momentin fasha është paga 30 mijë lekë.

“Sot kemi pagën minimale 300 mijë lekë 50% më shumë seç ishte kur morëm detyrën. Është më shumë seç ishte, por nuk mjafton. Plani është që ta rrisim atë çdo vit dhe të arrijmë padiskutim në 380 mijë, por duke synuar 400 mijë deri në fund të mandatit të tretë. Ne jo vetëm do të synojmë pagën 400 mijë lekë, por duke nisur nga 1 Janari i vitit 2022, pra i vitit të ardhshëm do ta heqim taksën mbi pagën aktuale deri në 400 mijë lekë, për sektorin publik dhe sektorin privat. Ky është planifikim financiar dhe jo premtim financiar. Nga viti i ardhshëm 63% e të punësuarve në Shqipëri nuk do të kenë taksë mbi pagën. Të gjitha do t’i çojnë në shtëpi. Sigurimet duhet t’i paguajnë të gjithë se ato nuk janë për qeverinë, por për të siguaruar pensionet dhe shëndetin e të gjithëve.”

Lexo: KE po konsideron mundësinë që punonjësit online të kenë të njëjtat të drejta me të punësuarit e tjerë

Kryeministri Rama se do të rritet fasha e taksimit 23% mbi pagën ndërkohë që atyre që marrin deri në 2.5 milionë lekë në muaj do t’u ulet tatim fitimi. “E dimë shumë mirë që ka një kategori shumë të lartë të punësuarish, që për shkak të punës së kualifikuar marrin mbi 1.5 milionë lekë në muaj dhe hyjnë në fashën e lartë të taksimit progresiv, 23% taksë mbi pagën. Ne do ta shtyjmë më lart këtë fashë taksimi dhe do ta ulim tatim fitimin për të gjithë ata që marrin deri në 2.5 milionë lekë në muaj. Është masë e kërkuar me të drejtë nga një kategori punonjësish të kualifikuar dhe shumë të kualifikuar, por që tani më është e mundur. Kjo masë do të hyjë në fuqi në 1 Janar 2022. Kemi rritur pagën mesatare në administratë nga 580 mijë në 720 mijë lekë, do ta rrisim në 850 mijë lekë në muaj në mandatin e tretë”.

Must watch
Business Mag Nr. #25 - Mars 2021

Kjo periudhë përkon me një vit të plotë në kushte pandemie në vendin tonë, në Europë dhe në mbarë botën. Në një vit ndodhën shumë zhvillime, të paparashkuara ndonjëherë më parë nga ne, duke hedhur poshtë shumë plane apo projekte tonat për rritjen. Por, në këtë kohë sipërmarrje të ndryshme u vunë në lëvizje për të gjetur zgjidhje të reja e për të siguruar mbijetesën.

Në këtë numër të revistës, vijnë zhvillimet përmes gjurmëve që kanë lënë tek industri, sipërmarrje apo individë sipërmarrës.

Pano Soko, ekonomist i njohur flet për efektet e paketave ekonomike të mbështetjes dhe nevojën për paketa ndihme në industritë e prekura.

Rubrika 3X3 i kushtohet industrisë së verërave. Nga intervistat tona me 3 prodhues rezulton se

verërat shqiptare janë të “paralizuara” nga pandemia.

Verërat janë në një trend me turizmin. Brunila Liçaj, profesore dhe eksperte në fushën e turizmit është optimiste për të ardhmen e kësaj fushe.

Në rubrikën e brandeve kemi sjellë, fabrikën e qumështit dhe prodhimeve të bulmetit “Lufra”, ndërsa një brand që po rimëkëmbet nga Kosova është prodhuesi i këpucëve artizanale “Perolli”. Të dy këto brande janë model frymëzimi për njerëzit e punës!

Një pjesë e rëndësishme e revistës i dedikohet konkursit dhe fituesve të Businessmag në …

Shiko më shumë
Na ndiqni në rrjetet sociale
0