Efektet që ka loja “Pokemon Go” te njeriu janë të njëjta me ato të një halucinogjeni. “Rreziku i kësaj loje është braktisja e realitetit për të jetuar në një alternativë paralele. Efektin e tij mund ta krahasojmë me një halucinacion”, thotë Margherita Spagnuolo Lobb, psikoterapeute, e cila drejton Institutin “Gestalt HCC” në Itali.
Deklarata e saj mbështet alarmin e lëshuar pas ditë më parë nga peshkopi Antonio Staglianò, i cili e ka quajtur lojën “djallëzore dhe alarmante, një sistem totalitar si fashizmi” dhe është shprehur i gatshëm për të nisur një betejë ligjore.
Psikologia thotë përhapja e këtij aplikacioni ngjan me atë të drogës LSD në vitet ’70.
“Kjo lojë, ndryshe nga LSD-ja, nuk është e dëmshme në këndvështrimin biologjik. Përdoruesve të lojës nuk u janë dëmtuar aftësitë fizike, por nuk kanë më kapacitetin për të ndajnë lojën nga realiteti”, thotë ajo.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
