Po mendoni të hapni biznesin tuaj? 6 pyetje që duhet t’i drejtoni vetes fillimisht - Business Magazine Albania

Po mendoni të hapni biznesin tuaj? 6 pyetje që duhet t’i drejtoni vetes fillimisht

Nga: Amanda Pressner Kreuser, bashkëthemeluese në firmën “MastHead Media”

Nuk është sekret që “Epoka e Dorëheqjes” ka ndikuar ndjeshëm në fuqinë punëtore. Njerëzit, jo vetëm që lënë punën e tyre, por lënë rolet tradicionale, në mënyrë që të bëhen të vetëpunësuar. Nëse jeni një nga shumë njerëzit që kanë menduar të lënë punën e tyre për të filluar një biznes, urime — ju jeni në një rrugë të mbarë.

Që kur bashkëthemelova kompaninë time të marketingut, Masthead Media, në vitin 2012, kam mësuar (nganjëherë në mënyrë të vështirë) se ka shumë gjëra për të cilat duhet të qartësoheni në mënyrë që të përgatiteni për sukses.

Më poshtë janë gjashtë pyetje që duhet t’i bëni vetes dhe t’u përgjigjeni përpara se të filloni biznesin tuaj.

  1. A dua të jem sipërmarrës i vetmuar– apo të kem një partner?

Një nga pyetjet e para që ka të ngjarë të lindë kur vendosni të filloni një biznes është: A dua ta bëj këtë vetëm apo duhet të kem një bashkëthemelues?

Të kesh një partner për t’u mbështetur në të gjithë sifdat e sipërmarrjes mund t’i lehtësojë gjërat, por vetëm nëse partneriteti është i drejtë. Për shembull, bashkëthemeluesja ime Julie Hochheiser Ilkovich dhe unë ndajmë të njëjtat vlera dhe vizion. Për sa u përket operacioneve të përditshme, ne mbikëqyrim fusha të ndryshme të biznesit. Duke shfrytëzuar pikat tona të forta plotësuese, kemi krijuar një partneritet të balancuar që funksionon.

Në varësi të natyrës së biznesit tuaj, mund të mos keni nevojë për një partner. Nëse jeni konsulent, atëherë ndoshta është më mirë të veproni vetëm. Por nëse jeni duke nisur një startup teknologjik, atëherë mund të dëshironi një bashkëthemelues që mund të kontribuojë në pika të ndryshme të forta ndërsa rriteni.

  1. A mund ta përballoj të lë punën time tani?

Mund të jetë joshëse të njoftoni në momentin kur keni dëshirën për të filluar biznesin tuaj. Por, është e rëndësishme që së pari të keni një themel të fortë — veçanërisht kur bëhet fjalë për paratë.

Përpara se të hyni plotësisht, është e rëndësishme të siguroheni që keni kursyer mjaftueshëm për të mbështetur veten dhe keni mjaftueshëm për të financuar biznesin tuaj të ri. Nëse nuk jeni në vendin ku dëshironi të jeni financiarisht, nuk ka turp të filloni biznesin tuaj si një punë dytësore.

Pasi të keni arritur një pikë ku jeni të kënaqur financiarisht, mund të rimendoni të lini punën dhe të drejtoni biznesin tuaj me kohë të plotë.

  1. Çfarë dua t’i ofroj botës dhe a ka nevojë bota për të?

Megjithëse ideja juaj e biznesit nuk ka nevojë të jetë revolucionare, ju duhet të jeni në gjendje të identifikoni perspektivën unike ose diferencën që po sillni në treg.

Kush është audienca apo klienti juaj? Çfarë është ajo që mund të ofroni që nuk është tashmë e disponueshme? Çfarë problemi po zgjidhni? Këto janë vetëm disa nga gjërat që duhet t’i bëni pyetje vetes  përpara se të hapni biznesin tuaj.

  1. A mund ta imagjinoj ta bëj këtë për pesë vitet e ardhshme të jetës sime, ose më gjatë?

Është ideja juaj e biznesit diçka për të cilën jeni vërtet të pasionuar, apo është një interes i përkohshëm? Kur po mendoni të filloni biznesin tuaj, është e rëndësishme të jeni të sinqertë me veten dhe të mendoni afatgjatë.

Nisja dhe rritja e një biznesi kërkon shumë kohë, energji dhe përkushtim — dhe madje ndikon në jetën tuaj personale, veçanërisht kur jeni duke e nisur atë. Shumë sipërmarrës besojnë se fillimi i një biznesi do t’u japë atyre më shumë fleksibilitet, dhe mundet — por për shumë vite, ka të ngjarë të kërkojë më shumë nga koha, fokusi dhe energjia juaj sesa një punë tradicionale zyre.

Nëse nuk mund ta shihni veten duke punuar në këtë sipërmarrje çdo ditë për 3, 5, apo edhe 10 vitet e ardhshme, atëherë mund ta rimendoni nëse jeni gati t’i përkushtoheni.

  1. A dua përfundimisht të menaxhoj të tjerët?

Nëse parashikoni rritjen e një biznesi, përtej vetes tuaj — si në ndërtimin e një ekipi — atëherë menaxhimi i njerëzve vjen si përgjegjësi shtesë.

Në varësi të faktit nëse keni apo jo përvojë menaxheriale, ose do t’ju duhet të zhvilloni aftësitë tuaja përmes trajnimit, ose t’ia jepni atë rol dikujt që mund ta bëjë. Sido që të jetë, ekipi juaj do t’ju kërkojë vizion, drejtim dhe frymëzim.

  1. A mund të merrem me punë administrative në fillim?

Nuk mund t’ju them sa herë kam dëgjuar nga kolegë sipërmarrës, të cilët ishin të tronditur nga fakti se sa shumë nga dita e tyre shpenzohet në detyra administrative si kontabiliteti dhe çështjet ligjore. Por thënia është e vërtetë: Si pronar biznesi, mbani shumë kunguj nën sqetull.

Do të vijë një kohë kur ju të keni ndërtuar biznesin tuaj deri në pikën ku mund të transferoni detyrat administrative ose të punësoni një punonjës për t’i trajtuar ato. Por ndërkohë, është një ide e mirë të miqësoheni me mjetet e kontabilitetit si Gusto ose Quickbooks.

Nëse u jeni përgjigjur të gjithave sa më sipër dhe ende ndiheni të emocionuar për të marrë përsipër sfidat e biznesit tuaj, atëherë ju themi ta provoni. Pak punë tradicionale është aq shpërblyese sa të shohësh kompaninë tënde të rritet dhe të ketë sukses. Paç fat!

INC.

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #28 - Prill 2022

Si sipërmarrës e keni dëgjuar, madje e keni predikuar shprehjen: jeta nuk bëhet më e lehtë, thjesht ju bëheni më të fortë. Kësaj radhe po e përjetojmë siç nuk e kishim imagjinuar.

Ndërsa po synonim të dilnim nga kthetrat e pandemisë, një tjetër plagë goditi Europën. Sulmi rus ndaj Ukrainës, i pakonceptueshëm nga bota moderne, erdhi si një Tsunami në Europë dhe madje në të gjithë Botën. Lufta me armë shkatërruese, deri tek kërcënimi i përdorimit të armëve nukleare, po sjell një dëm të jashtëzakonshëm për Ukrainën dhe popullin e saj. Mijëra të vrarë dhe mbi 4 milionë të shpërngulur nga vendi, pavarësisht rezistencës së fortë dhe të paparashikuar të ukrain- asve.

Zhvillimet dinamike në më pak se një muaj, çuan në vendime të pamenduara më parë për dhjetëra kompani ndërkombëtare. Tregjet e lëndëve të para panë çmime të rritura me ritmet më të larta të 40 viteve të fundit, ndërsa sheshet në kryeqytetet botërore, përfshirë Tiranën, pritën protestat, fillimisht kundër luftës e më tej kundër rritjes së çmimeve. Më 8 Mars, Çmimi i Naftës kaloi nga 199 lekë/litër në 260-270 lekë për litër, ndërsa po gjatë marsit, çmimi i bukës masive kaloi nga 80 lekë në 100 dhë së fundi 120 lekë. Qeveria ngriti komitete për të …

Shiko më shumë
Na ndiqni në rrjetet sociale
0