Ka dy mite mbizotëruese njëkohësisht kontradiktorë rreth sipërmarrjes, dhe një raport i fundit nga Fondacioni Ewing Marion Kauffman i prek të dyja kёto:
• Sipërmarrja është një qark i mbyllur. Sipërmarrësit punojnë me orë të tejzgjatura.
• Krahasuar me një punë korporate, sipërmarrja ofron një balancë më të mirë punë-jetë personale, orë më të mira për punë dhe më shumë kontroll për kohën personale.
Në dritën e këtyre sjelljeve, raporti i Kauffman fillimisht vëren se si çalon puna te nënat të cilat duan të fillojnë biznesin e tyre, dhe më pas hedh një vështrim në zgjedhjen e politikave të cilat do të mund ta bënin këtë po aq të thjeshtë edhe për nënat sa baballarët për të filluar biznese të reja. Më kryesorja midis tyre: leja e lindjes për prindërit e rinj.
Në Shtetet e Bashkuara të Amerikës, kur dikush e merr atë, financohet në pjesën më të madhe nga punëdhënësit. Por në Europë, është nromale që leja e lindjes të jepet nga qeveritë, jo punëdhënësit. Dhe sigurisht, Shtetet e Bashkuara të Amerikës janë i vetmi shtet i industrializuar që nuk ofron leje lindje për nënat e reja.
Pse është kaq e vështirë për nënat të nisin një biznes?
Raporti hedh një sy te faktorët socialë dhe kulturorë që e bëjnë më të vështirë për femrat të avancojnë në karrierën e tyre, ose të bëhen sipërmarrëse, pasi bëhen me fëmijë. Disa nga gjetjet më pak të vlerësuara të përmendura në raport janë:
1. Në familjet ku të ardhurat gjenerohen nga të dy bashkëshortët, kur meshkujt punojnë orë më të zgjatura, femrat janë më të prirura që të lënë punën e tyre. Kur një grua punon me orë të zgjatura, “nuk ka efekt në gjasat që partneri i tij ka të lërë punën.”
2. Më shumë se 40 për qind e nënave që punojnë kanë reduktuar orët e tyre të punës për shkak të arsyeve që lidhen me familjen e tyre, krahasuar me 28 për qind të baballarëve.
3. Femrat me PhD në fushat e teknologjisë dhe inovacionit kanë shumë më pak gjasa që të bëhen sipërmarrëse nëse kanë një fëmijë nën moshën 2 vjeç. Por të qënit baba i një fëmije të vogël nuk bënte ndonjë diferencë domethënëse që këta meshkuj me PhD në fushat e teknologjisë dhe inovacionit të mos bëheshin sipërmarrës.
4. Në biznese të nisur nga burra të martuar, 60 për qind e bashkëshortëve marrin njëfarë roli mbështetës në biznes. Por kjo ndodh vetëm në masën 35 për qind në biznese të cilat janë nisur nga femrat.
5. Mentorët e biznesit janë zakonisht njerëz më të vjetër të cilët nuk kanë një qasje të parë në vështirësitë me të cilat duhet të përballen femrat që nisin kompani.
Në dritën e këtyre statistikave, leja e lindjes merr një rëndësi të veçantë. “Vendosja e politikave të lejes së lindjes të cilat promovojnë balancën mes punës dhe jetës personale është e nevojshme për krijimin e mundësive të paanshme për nënat dhe baballarët e rinj,” thuhet në raport.
Qyteti i San Francisco, thuhet në raport, jep 6 javë leje të plotë lindjeje që u paguhet prindërve të rinj. Shteti i Kalifornisë tani jep 55 për qind të pagës së prindërve të rinj për 6 javë, dhe shteti i Nju Jorkut planifikon që t’u japë prindërve të rinj 50 për qind të pagës për 8 javë leje lindjeje të garantuara.
Një rekomandim tjetër i raportit është të “të ristrukturojë prtishmëritë e punës.” Nuk dihet saktësisht se si mund të ndodhë kjo, veçanërisht kur dihet se sipërmarrja është një mjedis “mashkullor”. Amerikanët të cilët punojnë me kohë të plotë, thotë raporti, punojnë mesatarisht 47 orë në javë. Por nga kjo pikëpamje, norvegjianët janë populli më produktiv në botë, duke punuar mesatarisht vetëm 33 orë në javë.
/Shkruar nga Kimberly Weisul dhe pubikuar nga Inc.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
