Përfitimet e Shqipërisë nga Samiti i Parisit që po mbahet ditën e sotme - Business Magazine Albania

Përfitimet e Shqipërisë nga Samiti i Parisit që po mbahet ditën e sotme


Ditën e sotme në Paris janë mbledhur gjashtë vende të Ballkanit për të marrë pjesë në të ashtëquajturin Samiti i Parisit, ndër të cilat është edhe Shqipëria. Të gjashtë këto vende janë mbledhur në kryeqytetin francez për të diskutuar mbi ecurinë e angazhimeve për atë që njihet si “Procesi i Berlinit”.


Në këtë Samit shuma e cila do të marrë “OK” për t’iu dhënë këtyre vendeve është 150 milionë euro. Kryefjala e këtij samiti do të jetë infrastruktura, ku Shqipëria do të jetë përfituese e tij me një shumë prej 34.5 milionë euro, e cila do të vendoset në dispozicion të rehabilitimit të linjës hekurudhore Tiranë – Durrës dhe Tiranë – Rinas, që në total llogarit një shumë prej 86.4 milionë euro. Ky projekt është pjesë e ‘Route 2’ e Rrjetit të Ballkanit Perëndimor, që do të lidhë qytetin e Podgoricës në Mal të Zi dhe Vlorës në Shqipëri.

Në Paris pritet të diskutohet edhe për një treg rajonal të energjisë, për të cilin është rënë dakord në Bruksel. Gjithashtu BE do të ndihmojë edhe në hartimin e një masterplani për energjinë e siguruar nga burimet hidro në këtë rajon.

Komisioni Europian gjithashtu ka deklarur se për periudhën 2014 -2020 do të ofrojë një shumë prej 1 miliardë eurosh për lidhjen e gjashtë vendeve të Ballkanit Perëndimor.

Në një intervistë të dhënë, Angelina Eichhorst, drejtore për Europën Perendimore, Ballkanin Perëndimor dhe Turqinë EEAS, në afërsi të Samitit të Parisit tha për Shqipërinë: “Unë besoj se partneriteti i Shqipërisë me BE është intensiv. Ne kemi punuar ngushtësisht gjatë dy viteve të fundit për të siguruar që ecet në drejtimin e duhur. Shqipëria ka bërë progres ndaj reformave të kërkuara, por ka ende shumë për të bërë. Reforma në drejtësi është kyçe, po kështu edhe historiku pozitiv ndaj luftës kundër krimit dhe korrupsionit. Ato janë thelbësore për vazhdimin e marrëdhënies në të ardhmen. Miratimi i reformës në drejtësi do t’i jepte shumë garanci, besim në sytë e biznesit dhe investitorëve. Një sistem drejtësie i ndershëm, një mjedis tërheqës për biznesin, janë tejet të rëndësishëm për Ballkanin Europian”.

 

/Panorama

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #34 - Mars 2024

Për një vit të mbarë!

Viti 2024 ka nisur me sfidat dhe mundësitë e tij. Ndërsa kompanitë do të duhet të përballen me disa ndryshime ligjore dhe njëkohësisht trendet e tregjeve: si rritje çmimesh dhe rritje e kostos së fuqisë punëtore, startupet janë para mundësive dhe një klime favorizuese. Thirrje të shumta janë hapur në fushën e biznesit, kulturës dhe ideve të gjelbërta. Ndër më të rëndësishmit, programi i qeverisë për financimin e 80 startupeve në tre faza zhvillimi të tyre

Për të kuptuar rëndësinë e bizneseve të reja, veçanërisht në teknologji, mjafton të shohim që edhe sipërmarrje të konsoliduara vendase, si një grup kompanish si Balfin, kanë një vëmendje të theksuar tek startupet. Z. Samir Mane, President i këtij grupi, prej kohësh ka treguar interes, duke i mbështetur, por edhe duke investuar në një prej startupeve që pritet të sjellë revolucion në bio-inxhinieri. Vëmendja tek risia dhe inovacioni vlerësohet të jetë një nga arsyet kryesore, përse audienca jonë e zgjodhi në kompeticionin tonë të dhjetorit si Sipërmarrësi i Vitit. Në një intervistë ekskluzive, z. Mane tregon për ne copëza domethënëse nga …

Shiko më shumë
Na ndiqni në rrjetet sociale
0