Përdoruesit e Pinterest tanimë mund të krijojnë video me panelet e fotove dhe krijimeve të tyre - Business Magazine Albania

Përdoruesit e Pinterest tanimë mund të krijojnë video me panelet e fotove dhe krijimeve të tyre

Përdoruesit e Pinterest tanimë mund të krijojnë video me koleksionet e ruajtura të fotove

Pinterest e ka riformatuar aplikacionin për tu përshtatur trendit dhe kërkesës së lartë për aplikacionin e TikTok. Duke u përgjigjur kërkesave të Gen Z për përmbajtje të fokusuar në video, kompania njoftoi se tanimë do t’i lejojë përdoruesit të krijojnë video të shkurtra të paneleve të tyre të kuruara në Pinterest. Videot do të jenë të dizajnuara enkas për ti shpërndarë në media sociale.

Veçoria e re u frymëzua nga aktiviteti i ndarjes së vidjove që qarkullojnë tashmë masivisht sidomos në aplikacione si TikTok dhe Instagram. Në vitin 2022, për shembull, Pinterest prezantoi një aplikacion të ri për të krijuar kolazhe të quajtur Shuffles, i cili shpejt u bë popullor tek krijuesit e Gen Z në TikTok. Aplikacioni u bë viral pasi përdoruesit e Pinterest publikuan kolazhe dhe krijime estetike të bashkangjitura me muzikë dhe i postuan ato në TikTok. Më vonë, Shuffles inspiruar nga këto aktivitete krijoi një veçori zyrtare në Pinterest për kolazhe të cilat mund të bliheshin.

Përveç kësaj, përdoruesit e Pinterest tanimë mund të ndajnë panelin e tyre të fotove të ruajtuara,  në aplikacione si TikTok duke përdorur metoda më manuale, si postimi i screenshots ose përdorimi i efekteve të ekranit të gjelbër të aplikacionit për të ndarë koleksionet e fotove ose krijimeve të tyre , stilin si dhe individualitetin e tyre. Pinterest e quan këtë lloj ndarjeje trendin “mecore”, duke vënë në dukje se ka parë një rritje prej 565% në kërkime të lidhura me këtë aktivitet në platformën e saj çdo vit. Panelet e krijimeve të përdoruesve  titulluar “mecore” gjithashtu raportohet se janë rritur me 255% .

Lexo edhe: National Geographic: “5 arsye pse ky destinacion shqiptar duhet të jetë arratisja juaj e radhës”

Me opsionin e shpërndarjes së paneleve të krijimeve, përdoruesit e Pinterest do të jenë në gjendje të ndajnë tabelat dhe koleksionet e tyre në një mënyrë më kreative në mediat sociale. Panelet e përbashkëta do të shfaqin gjithashtu lidhje që, kur klikohen, i kthejnë shikuesit në tabelën e plotë në Pinterest, ku ata mund të shfletojnë ose blejnë përmbajtjen e mbledhur. Deri më sot, përdoruesit e Pinterest kanë krijuar më shumë se 10 miliardë tabela dhe panele.

Risia mund të frymëzojë rritjen e ndarjes sociale midis përdoruesve të Gen Z, të cilët tashmë janë tërhequr nga Pinterest dhe mund të shërbejë si një mënyrë për të rritur trafikun përsëri në aplikacionin e Pinterest duke shfrytëzuar mekanikën virale të platformave si TikTok dhe të tjerave të ngjashme.

Për të përdorur risinë, thjesht ju duhet të klikoni lehtë mbi ikonën e ndarjes së përmbajtjeve në pjesën e sipërme djathtas të cilitdo prej tabelave tuaja publike për të gjeneruar automatikisht një video. Më pas mund të klikoni butonin “Shto në histori” ose butonin “Shkarko” për të ndarë videon kudo tjetër, si TikTok. Nëse ndani në Instagram Stories, përdorni ikonën Stickers për të gjetur ngjitësin Link dhe më pas ngjitni në URL-në e tabelës.

”Gen Z përbën mbi 40% të përdoruesve tanë mujorë globalë në Pinterest dhe janë gjenerata jonë më e angazhuar, me një rritje të konsiderueshme në numrin e bordeve të krijuara nga Gen Z Pinners krahasuar me vitin e kaluar,” vuri në dukje Rachel Hardy, drejtoreshë e produkteve të konsumit marketing në Pinterest, në një deklaratë në lidhje me shtimin e ri të funksionalitetit. “Ne po përmirësojmë veçoritë e paneleve të krijimeve dhe koleksioneve të fotove bazuar në reagimet e përdoruesve dhe, këtë vit, opsioni i shpërndarjes së paneleve është një nga investimet tona kritike pasi përdoruesit vlerësojnë aftësinë për të ndarë proceset e tyre krijuese në platforma të ndryshme dhe për të gjetur frymëzim nga të tjerët.”

 

TechCrunch

 

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #35 - Qershor 2024

Ja si sipërmarrës të guximshëm përmes inovacionit ndikojnë industri të tëra!

 

Ky numër i revistës mund të quhet numri i dedikuar sipërmarrësve, nismëtarëve dhe inovatorëve. Atyre të cilët me guxim, këmbëngulje dhe me risi nxisin transformimin e industrive me ndikim në jetët tona. Këto përvoja, sfida, ide të reja, aplikime dhe bashkëpunime të tyre, vijnë nëpërmjet Business Mag Albania, nr. 35. 

Për ty, që po e mban në dorë këtë revistë, kemi diçka të re! Tani mund të dëgjosh me zë artikujt që lexon tek BusinessMag. 

Në partneritet me Nullius in Verba, sjellim një mënyrë revolucionare për të konsumuar përmbajtjen. Falë teknologjisë së avancuar të AI, tani mund të dëgjoni me zë artikujt tuaj të preferuar në çdo kohë dhe vend, duke ju lejuar të informoheni ndërsa jeni në lëvizje. Ky bashkëpunim inovativ pasqyron përkushtimin tonë për të mbështetur sipërmarrjen dhe zhvillimin e modeleve të suksesshme, duke sjellë përvojë të re dhe vlerë të shtuar për ju si lexues. Skano kodet QR në çdo artikull dhe shijo nga kudo që të jesh një format të ri, mundësuar nga Inteligjenca Artificiale, aplikuar nga një …

Shiko më shumë
Na ndiqni në rrjetet sociale
0