Smart Film Awards është një mundësi për të rinjtë e Republikës së Shqipërisë dhe të Republikës së Kosovës, pavarësisht përkatësisë etnike apo gjinore, të shfaqin talentin e tyre artistik, duke krijuar një film të shkurtër deri në 5 min, (vetëm me përdorimin e telefonave “smart”) mbi sipërmarrjen ose sipërmarrësit e rinj nga të dyja vendet.
“Smart Film Awards” është një festival unik që promovon aspektin artistik të të rinjve dhe qëndrimet e tyre ndaj ndryshimeve pozitive në shoqëri. CID – Qendra për Informim dhe Zhvillim & ICK, po sjellin shfaqjen e parë të # SFA18 në vend. Kjo iniciativë është pjesë e projektit “Zhvillimi Rajonal Nëpërmjet Sipërmarrjes dhe Inovacionit”, mbështetur nga Ambasada Norvegjeze.
Aplikimet tashmë janë mbyllur në datë 15 Prill, nga ku, 107 aplikantë nga Shqipëria dhe Kosova do të përkushtohen mbi krijimin e një filmi të shkurtër, ku do të nxjerrin në pah problematikat apo historitë e suksesit të të rinjve në përqasje me Sipërmarrjen.
Për këtë aktivitet, “Smart Film Awards” organizon workshope intensive 2 ditore, që do të zhvillohen në Tiranë me 4 dhe 5 Maj, 2018 dhe Prishtinë me 8 dhe 9 Maj, 2018. Gjatë workshopit 2 ditor, aplikantët do të trajnohen mbi realizimin e një filmi nga ana teknike duke trajtuar të gjitha fazat e procesit si:
Faza e Paraprodhimit: Krijimi i idesë; Skenari; Storyboard; Zhvillimi estetik i filmit; Kërkimi i lokacioneve dhe personazheve; Përzgjedhja e Ekipit.
Faza e prodhimit: Xhirimi, këndet e kamerës, fotografia dhe regjistrimi zanor.
Faza e Post-prodhimit: Editimi i videos; Rregullimi i ngjyrave; Audio dizajn; Muzika; Efektet vizuale; Titrimi dhe Eksportimi
Të gjithë kandidatët do të kenë mundësi të dorëzojnë krijimet e tyre në datën 15 Maj, 2018, në faqen web dedikuar “Smart Film Award” www.smartfilmawards.com
https://www.youtube.com/watch?v=15QeYsJfgqI
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
