Kur flitet për bërjen e biznesit, kompanitë në mbarë globin shpesh harrojnë se sa e rëndësishme
është të dëgjohet fjala e konsumatorit. Ato zbatojnë strategjitë e marketingut për produktet e
tyre pa vënë theksin e duhur te reagimi i tregut. Kjo ndodh teksa jetojmë në një botë që ecën
me ritme të shpejta dhe kompanitë përqendrohen te mbijetesa në tregjet e vështira.
Ndaj ekspertë të njohur në fushën e marrëdhënieve me publikun dhe marketingut u bëjnë
thirrje kompanive që të kenë një dialog të hapur me klientët e tyre.
Marian Salzman, zëvendëspresidente e komunikimeve për kompaninë e duhanit Philip Morris
International (PMI) dhe ndër drejtuesit më të vlerësuar në fushën e marrëdhënieve me
publikun thotë se kompanitë duhet të jenë krijuese.
“Në Philip Morris International ne mund të lidhemi me klientët duke ndarë mesazhet e
korporatës përmes tregjeve të ndryshme. Ne nuk i vendosim produktet tona në radhë të parë.
Ekipet rrisin vetëdijen e publikut për uljen e dëmit nga pirja e duhanit dhe shpërndajnë kërkime
të reja shkencore. Dhe sigurisht, ne kërkojmë nga njerëzit që të përfshihen në ndryshimet që po
sjellim”, tha Salzman, që udhëheq nismën e PMI për një të ardhme pa tym dhe për dhënien
fund të cigareve tradicionale, gjatë The Economist Event të organizuar në internet në 27 Gusht
me mbështetjen e Misionit Winnow.
Siç shprehet Salzman, kompanitë duhet të jenë krijuese dhe më të zgjuara se si t’u përcjellin
klientëve mesazhet e tyre.
“Nuk mund të jetë një monolog, përkundrazi duhet të jetë një dialog ose bisedë e gjerë dhe ne
duhet të dëgjojmë atë që të tjerët thonë”, shton ajo.
Kjo është arsyeja pse Salzman si zëvendëspresidente e komunikimeve e PMI-së e fokuson
punën e saj te nevoja për të angazhuar njerëzit në debatet për eleminimin e cigareve
konvencionale me djegie dhe krijimin e një bote pa tym. Teknologjia moderne, shkenca dhe
inovacioni u sjellin duhanpirësve të rritur alternativa që janë një zgjedhje më e mirë për
shëndetin publik, si duhani me ngrohje dhe pa djegie.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
