Pasagjer me EasyPay në konferencën Money20/20 2017 » Business Magazine Albania – Media Dixhitale dedikuar Sipërmarrjes
Përditësuar së fundmi: 11/07/2017

Pasagjer me EasyPay në konferencën Money20/20 2017

Share
nga Anerola Torollari
Kor 11, 2017
Studied at Faculty of Science, Content Editor Biznesi at Business Magazine
lexo me teper >

EasyPay mori pjesë për herë të parë në konferencën Money20/20 Europe në Copenhagen, krahas kompanive më të mëdha ndërkombëtare si Google, AirBnB, Western Union, Silicon Valley Bank, Citi Ventures, PayKey, Skrill etj.

Money20/20 organizon konferencën më të madhe në botë ku sjell së bashku kompanitë në fushën e pagesave, transfertave të parave, shërbimeve të marketingut, konsulencës etj. Me mbi 11000+ përfaqesues dhe më shumë se 1700 CEO nga reth 4500 kompani ndërkombëtare, Money20/20 krijon nje vizion ndryshe nga ai i që mbizotëron normalisht.

Përgjatë konferencës EasyPay pati takime me disa kompani Europiane dhe Amerikane fintech dhe pagesash dhe media.

Money20/20 solli sërish së bashku liderë në fushën e Fintek, Pagesave dhe Transfertave të Parave. Rreth 1707 kompani morën pjesë në konferencën e këtij viti në Kopenhagen, ndërkohë që 4000 pjesmarrësit përfshinë CEO, ekipe marketingu, media etj.

Lexoni: EasyPay po eksploron mënyra të reja për të revolucionarizuar pagesat elektronike dhe transfertat e parave në Shqipëri

Konferenca uli siparin me fjalimet mirëpritëse dhe fjalime të shkurtra nga CEO i Barclays Bank, Rabobank dhe BBVA.

Gjatë ditës së parë kishte panele dhe fjalime më së shumti rreth fintek-s, (r)evolucionit të bankave, njoftimeve nga pjesëmarrësit rreth bashkëpunimeve të reja, etj.

Përgjatë ditës së dytë pati një shumëllojshmëri fjalimesh nga ekspertë të industrisë, me fokusin kryesor në autentifikimin dhe teknologjinë e avancuar.

CEO i Gemalto, Philippe Vallee, foli për autentifikimin e klientit kur kompletojnë një transaksion. Ndërkohë që ai nuk bën kompromis me sigurinë në praktikat që ndjek, ai tha se do të preferonte nëse nuk do të kishte autentifikim fare.

Kjo është një pikë tepër e rëndësishme që për institucione financiare si EasyPay është dilemë çdo ditë.

Gjatë kësaj dite EasyPay u takua me disa kompani të rëndësishme me qëllim eksplorimin e mënyrave të ndryshme të bashkëpunimit, e për të vazhduar revolucionin në pagesat dixhitale në Shqipëri.

Rita Liu i Alipay u shpreh gjatë fjalimit të saj: “Çrregullimet në sistemin e trashëgimisë kërkojnë kohë, para dhe dedikim të industrisë, një sfidë që çdokujt i duhet të përballet.”

burimi: easypay.al