Në një periudhë të pazakontë dhe pas një viti mungese në formë fizike, rikthehet Panairi i Librit në Pallatin e Kongreseve.
Përgjatë pesë ditëve, nga 17 deri më 21 Nëntor 2021, shtëpi botuese, autorë, përkthyes, do të presin aktorin dhe faktorin e librit: lexuesin. Ky është edicioni i 24-të i Panairit të Librit në Tiranë. Këtë vi ai cilësohet si një panair i veçantë që vjen pas një periudhe shumë të vështirë si për lexuesit ashtu edhe për librarët dhe botuesit.
Vitin e kaluar panairi u zhvillua në formë online. Ndërsa organizatorët, theksuan se këtë vit, ai vjen pikërisht për t’u sjellë gëzim qyteteve të Tiranës, por edhe të Kosovës, Malit të Zi dhe Maqedonisë së Veriut. “Me lexim, libra e kulturë Shqipëria do të shkojë përpara”, sipas tyre.
Dhjetëra shtëpi botuese sjellin autorë klasikë dhe të kohëve të fundit, letërsi dhe libra zhvillimi. Edhe revista Businessmag është bërë pjesë e Panairit. Në stendën e Bukinist ju do të gjeni numrin e fundit të Businessmag në print, ndërsa mund të prenotoni online versionin digjital të saj.
Edicioni i 24-të i Panairit të Librit në Tiranë, “Tirana 2021” do të mbahet nga 17 deri më 21 Nëntor në Pallatin e Kongreseve në Tiranë.
Lexo: Bill Gates bën thirrje për përpjekje më të mëdha globale për t’u përgatitur për pandemitë e ardhshme
Gjatë këtij panairi, sipas organizatorëve do të ekspozohen botime më të mira të autorëve shqiptarë dhe të huaj, sidomos botimet e viteve të fundit.
Krahas mundësisë për takime dhe bisedime mes miqsh, Panairi është një mundësi e mirë për të blerë libra me ccmime më të ulëta. Organizatorët premtojnë ulje çmimesh për librat e ekspozuar dhe në fund edhe ndarjen e çmimeve të panairit në disa kategori.
Pjesë e edicionit të sivjetëm do të jenë dhe botuesit kosovarë, të cilët, sipas Shoqatës së Botuesve të Kosovës do të prezantojnë botimet e tyre më të reja.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
