Pas ndotjes së detit prej "Petrolifera", bllokohen eksportet e naftës - Business Magazine Albania

Pas ndotjes së detit prej “Petrolifera”, bllokohen eksportet e naftës


Mbyllja e “Petrolifera” pas derdhjes së naftës në Zvërnec ka sjellë dhe një pasojë tjetër jo të vogël ekonomike, duke çuar në bllokimin e plotë të eksporteve të naftës nga Shqipëria.

Përveçse terminali më i madh, “Petrolifera” është edhe porta kryesore e eksporteve të naftës për shkak të avantazheve jo vetëm logjistike, por edhe në kosto, të cilat burojnë nga afërsia e këtij terminali me vendburimet më të mëdha të naftës në vend.

Por një javë më parë, pikërisht gjatë ngarkimit të një anijeje me naftë bruto, pati një incident që përfundoi me derdhjen e naftës në det dhe ndotjen e 5 kilometrave vije bregdetare në plazhin e Zvërnecit.

Menjëherë pas ngjarjes, terminali është bllokuar nga Prokuroria, e cila është duke kryer procedurat hetimore. Drejtues të “Petrolifera” u shprehën për Top Channel se anija që shkaktoi ndotjen vazhdon të jetë e bllokuar, por në port janë edhe dy anije të tjera që kishin mbërritur për t’u ngarkuar me nfatë, por që janë në pritje për shkak të pezullimit të punës së portit.

Eksportuesi më i madh i naftës në Shqipëri, “Bankers Petroleum”, në ditën që njoftoi kalimin e aksioneve tek grupi kinez “Geo Jade”, deklaroi se ka nisur uljen graduale të prodhimit të naftës në Shqipëri. Kjo, për shkak të pamundësisë për të eksportuar, çka sipas saj mund të çojë edhe në mbylljen e fushës së Patos Marinzës për dy ditët e ardhshme.

Megjithatë “Bankers” thotë se pezullimi i “Petrolifera” pritet të hiqet në ditët e ardhshme, duke lejuar këtë kompani të rifillojë prodhimin e naftës si zakonisht në vendburimin Patos Marinzë.

 

/Top-Channel

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #34 - Mars 2024

Për një vit të mbarë!

Viti 2024 ka nisur me sfidat dhe mundësitë e tij. Ndërsa kompanitë do të duhet të përballen me disa ndryshime ligjore dhe njëkohësisht trendet e tregjeve: si rritje çmimesh dhe rritje e kostos së fuqisë punëtore, startupet janë para mundësive dhe një klime favorizuese. Thirrje të shumta janë hapur në fushën e biznesit, kulturës dhe ideve të gjelbërta. Ndër më të rëndësishmit, programi i qeverisë për financimin e 80 startupeve në tre faza zhvillimi të tyre

Për të kuptuar rëndësinë e bizneseve të reja, veçanërisht në teknologji, mjafton të shohim që edhe sipërmarrje të konsoliduara vendase, si një grup kompanish si Balfin, kanë një vëmendje të theksuar tek startupet. Z. Samir Mane, President i këtij grupi, prej kohësh ka treguar interes, duke i mbështetur, por edhe duke investuar në një prej startupeve që pritet të sjellë revolucion në bio-inxhinieri. Vëmendja tek risia dhe inovacioni vlerësohet të jetë një nga arsyet kryesore, përse audienca jonë e zgjodhi në kompeticionin tonë të dhjetorit si Sipërmarrësi i Vitit. Në një intervistë ekskluzive, z. Mane tregon për ne copëza domethënëse nga …

Shiko më shumë
Na ndiqni në rrjetet sociale
0