Javën e kaluar, u raportua që partneriteti mes OnePlus dhe McLaren mund të marrë fund, sepse gjigandi elektronik nuk është më i listuar si një partner i F1 2020 në webin e McLaren. Tashmë gjithçka është zyrtarizuar nga prodhuesi britanik i automjeteve sportive, duke e bërë të qartë se partneriteti i saj i gjatë me OnePlus ka mbaruar.
‘’Partneriteti ynë me OnePlus, i cili ka përfunduar, ka qenë një bashkëpunim shumë i suksesshëm midis dy markave ikonike dhe inovative. Që nga fillimi i këtij partneriteti në 2018, OnePlus ka qenë një partner mbështetës, me vlera dhe ne i urojmë suksese dhe shpresojmë të bashkëpunojmë sërish në të ardhmen’’.
Edhe pse OnePlus Concept One kurrë bëri një prezantim zyrtar, modelet e McLaren Edition të OnePlus 7T Pro dhe OnePlus 6T dolën në shitje me specifika të avancuara dhe modele ekskluzive. Me konfirmimin e fundit, është e sigurt të thuhet se nuk do të ketë më një variant të OnePlus 8 McLaren këtë vit, ose telefona të ardhshëm të markës McLaren dhe OnePlus.
Fundi i bashkëpunimit të OnePlus me McLaren nuk do të thotë se nuk do të ketë ndonjë edicion të ri special OnePlus. Kompania në të kaluarën ka bashkëpunuar me Disney për një linjë dedikuar Star Wars dhe Marvel.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
