Paradoksi i “Lidhjeve” midis realitetit fizik dhe atij virtual


FAKT! Sot, njerëzit janë më të lidhur se kurrë me njëri-tjetrin, por janë gjithashtu edhe më të vetmuar. Ky fenomen është vërejtur në studimet dhe sondazhet e shumta gjatë viteve të fundit. Shumë prej këtyre sondazheve përqendrohen në grupmoshën nën 35 vjeç, të cilët megjithëse kanë përdorimin më të lartë të mediave sociale, janë grupi që zakonisht beson në një numër të ulët personash.

Edhe pse bota dixhitale është një operacion 24-orësh, duket se klikimet, pëlqimet, tweets dhe postimet nuk krahasohen me të paturit e miqësisë fizike.

Rrjetëzimi social është një teknologji e re, por ka një ndryshim të madh mes një rrjeti social të gjerë dhe një rrjeti të vërtetë lidhjesh. Kur bëhet fjalë për të pasur miq, sasia nuk është gjithmonë e barabartë me cilësinë.

Teknologjia ka nxitur ndryshime sociale që shoqëritë po fillojnë të kuptojnë. Sistemet, për të mbështetur dhe ndihmuar të dy individët dhe shoqërinë në tërësi po shfaqen vetëm tani.

Kjo teknologji e njëjtë ka pasur një ndikim të thellë në mënyrën se si veprojnë bizneset, duke i shtyrë ata të bëhen kompani “të hapura gjatë gjithë orëve”. Shumë organizata aspirojnë të kenë një numër të madh të pëlqimeve dhe ndjekësve të “miqve” në të njëjtën mënyrë siç kanë individët në profilet e tyre sociale.

Në biznes, ky adoptim i teknologjisë është nxitur nga një numër faktorësh, duke përfshirë:

  1. Fuqinë shumë të lartë informatike në pajisje të vogla si smartphone dhe tablet. Kjo fuqi informatike është rritur ndjeshëm, sidomos pesë vitet e fundit. Sipas Ligjit të Moore sugjerohet që fuqia e përpunimit të dyfishohet çdo dy vjet, ndërkohë që ulet në kosto. Kjo do të thotë se sot biznesi më i vogël mund të ruajë dhe mbajë sasi të mëdha të të dhënave dhe ta përpunojë atë me shpejtësi. Ligji i Moore nuk tregon shenja të zvogëlimit. Kjo ka bërë që kompanitë të krijojnë qendra të mëdha të të dhënave dhe të blejnë fuqinë e përpunimit që kanë nevojë për të menaxhuar sasi të pafundme të të dhënave.
  2. Rrjetet sociale kanë luajtur një rol kyç për t’u dhënë bizneseve lëndën e parë që ata kanë nevojë për të mbushur qendrat e të dhënave dhe ruajtjen e tyre për çdo transaksion, apo veprim të klientëve dhe perspektivave të tyre.

Mediat sociale janë sigurisht një mjet i dobishëm për marketerët.
Por, ashtu si marrëdhëniet tona personale, ku numri i miqve në internet nuk përputhet me numrin e miqve të vërtetë. Bizneset mund të përpiqen të gjejnë klientët e tyre të vërtetë, afatgjatë dhe fitimprurës përmes rrëmujës dhe zhurmës së të gjitha të dhënave.

Kjo mund të jetë e rrezikshme pasi ekziston mundësia që të harrohet se cilët janë klientët e vërtetë, në përpjekje për të rritur angazhimin social. Suksesi shpesh matet nga numri i personave që kanë klikuar butonin, por jo domosdoshmërisht  ata që kanë blerë diçka.

Kjo mund të përforcohet edhe më tej duke marrë vendime instiktive, në vend që të përdoren të dhënat reale. Dhe natyrshëm lind pyetja: Kujt duhet t’i besojmë: instikteve apo të dhënave?

Për t’iu përgjigjur kësaj pyetje, duhet të kemi parasysh se: Marketingu është art dhe shkencë në të njëjtën kohë dhe instiktet mund të luajnë dhe luajnë një rol të rëndësishëm. Njëzet vjet më parë, Steve Jobs parashikoi se një ditë, përdorimi i një tableti do ta kalonte kompjuterin desktop, pavarësisht nga shumë parashikime dhe raporte që sugjeronin të kundërtën.

Të dhënat duhet të luajnë një rol të rëndësishëm në marrjen e vendimeve dhe duhet të pasqyrojnë atë që duket si një klient fitimprurës. Por, kjo nuk është e gjithë vendimmarrja.

Të dhënat e klientit shpesh mund të lihen në hije nga njësitë matëse të klientëve: pra çfarë bëjnë klientët, dhe jo kush janë ata.

Kuptimi i klientëve tuaj është i rëndësishëm. Të kuptoni se cilët janë klientët tuaj fitimprurës është edhe më e rëndësishme. Duhet të dini se kush janë klientët tuaj që shpenzojnë më shumë. T’i doni ata dhe të përpiqeni të gjeni më shumë si ata. Ky duhet të jetë prioriteti juaj numër një.

Must watch
Business Mag Nr. #23 - Qershor 2020

Të gjitha planet tuaja për këtë vit, si individë apo sipërmarrës mund të jenë përmbysur. Mbërritja e Coronavirusit në Shqipëri paralizoi gjithçka, ashtu si kudo. Në mënyrë të papritur na vuri në kushte tërësisht të tjera pune, na shtoi pasigurinë e shqetësimin për të ardhmen.

Sipërmarrjet, kryesisht në fushën e IT u përshtatën më shpejt, duke angazhuar punonjësit nga shtëpia. Ato zhvilluan dhe më tej mundësitë për të punuar në distancë, ndërkohë që shumë kompani të tjera u mbyllën plotësisht.

Kjo është një periudhë sprove, për individin, drejtuesit dhe liderin. Kjo është lufta që po zhvillohet në spitale dhe fronti i parë i saj janë mjekë, infermierë e sanitarë. Historia e ekonomisë k a treguar se gjithmonë pas një situatë të vështirë ka një ringritje. Dhe ne besojmë se kështu do të jetë.

Deri atëhërë ajo çka na mbetet të bëjmë është respektimi i rregullave të kërkuara, marrja e përgjegjësive ndaj të tretëve për aq sa mundemi, e të interesohemi për të pamundurit, të ndajmë diçka për ta.

Solidariteti nuk ka munguar e nuk do të na mungojë as kësaj radhe. Ajo çfarë doli në pah krahas solidaritetit ishte varfëria: e shtetit, e kompanive dhe e vetë individëve.

Një ditë pas dërgimit të 30 bluzave të bardha në Itali, The Guardian na vlerësoi në artikullin e saj si zemërgjerë edhe pse Ky numër ishte planifikuar të botohej në Prill 2020, por procesi u shty për shkak të masave të ndërmarra si pasojë e shpërthimit të Covid-19. Edhe pse në kohë vështirësish, jemi …

Shiko më shumë
Na ndiqni në rrjetet sociale