Pandemia, Kina propozon një mekanizëm global për të lehtësuar udhëtimet

Kina propozoi një mekanizëm global për të lehtësuar udhëtimet ndërkombëtare të rrënuara nga pandemia e koronavirusit të ri (COVID-19) në Samitin e 15-të të Udhëheqësve të G20-ës, të organizuar nga Arabia Saudite gjatë fundjavës. Duke folur në samit, presidenti kinez, Xi Jinping tha se certifikatat shëndetësore të bazuara në rezultatet e testit të acidit nukleik mund të verifikohen me një mekanizëm global që mund të krijohet bazuar në teknologjinë e kodit QR (kodi i Përgjigjes së Shpejtë), sipas BBC News.

“Ne duhet të përshtatim më tej politikat dhe standardet dhe të krijojmë mënyra të shpejta për të lehtësuar udhëtimin e rregullt të njerëzve”, tha presidenti i Kinës, duke theksuar se një numër i madh vendesh mund të përfshihen në mekanizëm.

LEXO: Spontechnaity: Si teknologjia do të drejtojë udhëtimet

Pas propozimit të Xi për një kod QR, mbrojtësit e të drejtave të njeriut paralajmëruan që kodet mund të përdoren për monitorim të gjerë dhe diskriminim politik. Në të gjithë botën, numri i të vdekurve nga COVID-19 ka arritur në afër 1,4 milionë që kur virusi u shfaq për herë të parë në Wuhan të Kinës në fund të dhjetorit të vitit të kaluar. Numri i rasteve është rritur në mbi 59 milionë me gati 38 milionë të shëruar, sipas shifrave të fundit nga Universiteti Johns Hopkins me bazë në SHBA.

BBC

Must watch
Business Mag Nr. #24 - Tetor 2020

Numri 24 i revistës Businessmag.al sjell një panoramë të zhvillimeve, përshtatjeve dhe ecurisë në sektorë të ndryshëm të ekonomisë. Në të njëjtën kohë, shohim zhvillime relativisht të kënaqshme.  Organizime të reja si Dhoma Ekonomike e Gruas, duket si një shpresë për më shumë zë, lobim dhe mbështetje për gratë sipërmarrëse dhe sipërmarrjet e reja.

Gjatë kësaj periudhe angazhime si programi “Ringrihu më i fortë”, ishin një lloj kundërpërgjigje ndaj dëmeve ekonomike që po shkakton pandemia.

Influencerat vijojnë të rrisin hapësirat e tyre dhe janë bërë një instrument i rëndësishëm marketimi. Në brendësi të revistës do të gjeni renditjen e top 100 influencerave më të mëdhenj në vend.

Gjatë kësaj vere ndërkohë, vetë Businessmag pati një fushatë të suksesshme të promovimit të turizmit shqiptar. Qindra të rinj u angazhuan të dërgojnë foto dhe përshkrimet e vendeve të ndryshme të Shqipërisë.

Shiko më shumë
Na ndiqni në rrjetet sociale