Pana, sipërmarrja më premtuese sociale në Ballkan   

Pana, sipërmarrja sociale më premtuese në Ballkan   


Intervistë me Pezana Rexhën, themeluese e biznesit social ‘Pana’

Së fundi fitove një çmim? Përse bëhet fjalë?

Impact 2018 është konferenca e parë rajonale ( Shqipëri, Kroaci , Mal i Zi, Bosnje Hercegovinë, Maqedoni, Slloveni dhe Kosovë ) në lidhje me sipërmarrjen sociale, mbledhja dhe bashkimi i të gjithë faktorëve që ndikojnë (qoftë organizata që ndikojnë në zhvillimin e sipërmarrjes sociale, anëtarë lokal të qeverive dhe sipërmarrës ) dhe në kuadër të kësaj konference ishte organizuar dhe një konkurs në lidhje me sipërmarrjet sociale në rajon. Në këtë kuadër e sugjeruar si pjesmarrëse nga Yunus Social Businees Balcans drejtuar nga Shkëlzen Marku, u mundësua dhe pjesëmarrja ime. Ishin 11 ide nga të cilat 3 u shpallën si sipërmarrjet më premtuese në rajon , ndër to ishim ne dhe dy ide nga Sllovenia.

Si mendon se do të të nxisë ky çmim konkretisht?

Në fakt në botën e sipërmarrjes sociale, asgjë nuk është e sigurt dhe mbi të gjitha rezultatet e konkurseve apo pjesmarrjeve nuk merren në mënyrë të menjëhershme. Unë nuk dua të shoh përfitimet e menjëhershme, pasi mendoj se nuk janë afatgjata. Për mua, ky çmim ka dy vlera, së pari në planin personal timin dhe të Panës, pasi duke parë vështirësitë e vazhdueshme në ekosistemin shqiptar është një shtysë për të vazhduar më tej dhe një çmim që tregon se po i bëjmë gjërat siç duhet e mbi të gjitha që i kemi të gjitha kapacitetet e duhura për të konkuruar në rajon dhe nëse une mendoj më gjerë, plani i dytë është tek përfaqësimi i Shqipërisë në mënyrë të denjë. Nuk jam nacionaliste por kur shoh dhe shkoj nëpër konkurse ndjej mungesën e një përfaqësimi më të gjerë dhe të denjë të Shqipërisë dhe shpesh kjo më shtyn të performoj edhe më mirë, sepse dua të ngre zërin e aftësive të vendit tonë dhe që produktet ‘’Made in Albania’’ kanë vlerë dhe mund të konkurojnë.

Për mua këto janë fitore të mjaftueshme, çfarë do vijë më pas këte do ta shohim.

Cilat janë objektivat e Panës në të ardhmen afatmesme dhe afatgjatë?

Në prill bëjmë 5 vjet dhe për mua është një moment kyç në lidhje me zhvillimin e saj. Këtu hyjnë planet tona afatshkurtra, më në fund kemi filluar punën me turne duke rritur kapacitetin prodhues dhe bërë të mundur të plotësojmë nevojat e klientëve në kohë më të shpejtë, dhe duke punuar fort për të lancuar dy nën degë të ‘’Panës’’, për të cilën do më duhet momentalisht ta mbaj sekret deri sa t’i realizojmë.

Në aspektin afatgjatë, mbase pjesa më e madhe e di, duket dhe çmenduri kur e dëgjojnë por unë e besoj fort që do të jemi në gjendje të konkurojmë tregun europian, me produktet tona tërësisht ekologjike si sipërmarrja e parë sociale që mundëson prodhimin masiv të produkteve tërësisht ekologjike.

Shohim që kërkon shpesh punonjës. Vijon të vuash për gjetjen e profesionistëve?

Sinqerisht është një pikë që nuk më ndihmon në zhvillimin e sipërmarrjes, për këtë arsye tani kam krijuar një sistem të ri, në të cilin çdo individ që punësohet, kryesisht mund të vijë dhe pa përvojië dhe i ofrojmë mundësinë e trajnimit. Mendoj që ështe problem i gjerë në aspektin e çdo biznesi, por kjo nuk duhet të na bëjë pesimist, mjafton të kërkojmë dhe punojmë pak më shumë dhe do i zgjidhim si elementë. Problemi qëndron edhe te fakti që une personalisht jam shumë kërkuese dhe dua të kem rezultate të shpejta dhe të sakta dhe shpesh të rinjtë nuk e duan gjithë këtë kërkesë apo lodhje, mendojnë se puna duhet të jetë e lehtë dhe pa intesitet. Në fakt unë deri më tani nuk kam parë ndonjë punë të tillë.

 

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #34 - Mars 2024

Për një vit të mbarë!

Viti 2024 ka nisur me sfidat dhe mundësitë e tij. Ndërsa kompanitë do të duhet të përballen me disa ndryshime ligjore dhe njëkohësisht trendet e tregjeve: si rritje çmimesh dhe rritje e kostos së fuqisë punëtore, startupet janë para mundësive dhe një klime favorizuese. Thirrje të shumta janë hapur në fushën e biznesit, kulturës dhe ideve të gjelbërta. Ndër më të rëndësishmit, programi i qeverisë për financimin e 80 startupeve në tre faza zhvillimi të tyre

Për të kuptuar rëndësinë e bizneseve të reja, veçanërisht në teknologji, mjafton të shohim që edhe sipërmarrje të konsoliduara vendase, si një grup kompanish si Balfin, kanë një vëmendje të theksuar tek startupet. Z. Samir Mane, President i këtij grupi, prej kohësh ka treguar interes, duke i mbështetur, por edhe duke investuar në një prej startupeve që pritet të sjellë revolucion në bio-inxhinieri. Vëmendja tek risia dhe inovacioni vlerësohet të jetë një nga arsyet kryesore, përse audienca jonë e zgjodhi në kompeticionin tonë të dhjetorit si Sipërmarrësi i Vitit. Në një intervistë ekskluzive, z. Mane tregon për ne copëza domethënëse nga …

Shiko më shumë
Na ndiqni në rrjetet sociale
0