Paketa e rezistencës sociale. Ndryshimet në paga dhe taksa nisin pas dy javësh - Business Magazine Albania

Paketa e rezistencës sociale. Ndryshimet në paga dhe taksa nisin pas dy javësh

Paketa e rezistencës sociale

Hyrja në fuqi e rritjes së pagës minimale nga 30 000 lekë në muaj në 32 000 lekë u përshpejtua me vendimin e qeverisë. Paga bazë minimale mujore për punonjësit në  shkallë vendi, që do të aplikohej në Korrik, nis aplikimin në muajin Prill.

Kompania a shërbimeve ZLA Consulting, ka informuar sipërmarrjet, partnerët dhe klientët e saj për ndryshimet e fundit ligjore, efektet, dhe cilësitë e këtyre ndryshimeve. Paga bazë minimale mujore jepet për 174 (njëqind e shtatëdhjetë e katër) orë pune në muaj, të kryera gjatë kohës normale të punës;

Paga bazë minimale orare të jetë 183,9 lekë. Sipas normave ligjore, shtesat me karakter të përhershëm jepen mbi  pagën bazë.

Ky vendim hyn në fuqi më 29/03/2022 dhe shtrin efektet financiare nga data 1 Prill 2022.

Lexo: Kjo kompani njoftoi se po rriste çmimet për të paguar më shumë punonjësit

Ndryshimet prekin edhe taksimin e pagës. ZLA informon tatimpaguesit se, për të ardhurat nga paga deri në nivelin 40 000 lekë, e ardhura e tatueshme është zero. Për pagat deri në 50 000 lekë, taksohet shuma mbi 30 000 lekë, në masën 13%. Po kaq taksohen pagat deri në 200 000 lekë në muaj, përjashtuar shumën pbazë prej 30000 lekësh. Pagat mbi 22100 lekë, taksohen taskohen në masën 23%, duke nisur nga shuma 200 000 lekë.

 

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #28 - Prill 2022

Si sipërmarrës e keni dëgjuar, madje e keni predikuar shprehjen: jeta nuk bëhet më e lehtë, thjesht ju bëheni më të fortë. Kësaj radhe po e përjetojmë siç nuk e kishim imagjinuar.

Ndërsa po synonim të dilnim nga kthetrat e pandemisë, një tjetër plagë goditi Europën. Sulmi rus ndaj Ukrainës, i pakonceptueshëm nga bota moderne, erdhi si një Tsunami në Europë dhe madje në të gjithë Botën. Lufta me armë shkatërruese, deri tek kërcënimi i përdorimit të armëve nukleare, po sjell një dëm të jashtëzakonshëm për Ukrainën dhe popullin e saj. Mijëra të vrarë dhe mbi 4 milionë të shpërngulur nga vendi, pavarësisht rezistencës së fortë dhe të paparashikuar të ukrain- asve.

Zhvillimet dinamike në më pak se një muaj, çuan në vendime të pamenduara më parë për dhjetëra kompani ndërkombëtare. Tregjet e lëndëve të para panë çmime të rritura me ritmet më të larta të 40 viteve të fundit, ndërsa sheshet në kryeqytetet botërore, përfshirë Tiranën, pritën protestat, fillimisht kundër luftës e më tej kundër rritjes së çmimeve. Më 8 Mars, Çmimi i Naftës kaloi nga 199 lekë/litër në 260-270 lekë për litër, ndërsa po gjatë marsit, çmimi i bukës masive kaloi nga 80 lekë në 100 dhë së fundi 120 lekë. Qeveria ngriti komitete për të …

Shiko më shumë
Na ndiqni në rrjetet sociale
0