Organizohet Konferenca Shkencore Ndërkombëtare "Migrimi dhe Hapësira Gjeografike" - Business Magazine Albania

Organizohet Konferenca Shkencore Ndërkombëtare “Migrimi dhe Hapësira Gjeografike”


Konferenca Shkencore Ndërkombëtare “Migrimi dhe Hapësira Gjeografike: Faktorë, Ndërveprime, Sfida” është konferenca e IX në traditën e atyre të organizuara nga Departamenti i Gjeografisë në Universitetin e Tiranës. Në ndryshim nga vitet e mëparshme, konferenca këtë vit është fryt i bashkëpunimit dhe financimit të Fakultetit të Historisë dhe të Filologjisë dhe projektit kërkimor ICM “Qytetaria Industriale dhe Migrimi nga Ballkani Perëndimor”, financuar nga Regional Research Promotion Program në Universitetin e Fribourgut në Zvicër dhe implementuar nga Universiteti i New Yorkut, Tiranë dhe Universiteti i Jyväskyläs në Finlandë.

Kjo konferencë ka si qëllim të kontribuojë në zhvillimin e mëtejshëm të këtyre debateve dhe propozon të sjellë së bashku studiues të fushave të ndryshme që janë të përfshirë në studimin e transformimeve të hapësirës gjeografike nën ndikimin e proceseve migratore duke trajtuar në detaje mënyrat e ndërveprimt, sfidat dhe pasojat e mundshme.

Tematika bashkëkohore e kësaj Konference Ndërkombëtare ka tërhequr një numër të konsiderueshëm pjesëmarrësish dhe projektesh interesante nga institucione akademike nga Shqipëria, Kosova, trojet shqiptare jashtë kufijve të RSH, si dhe nga vendet fqinjë. Kjo ndodh sepse migrimi është një ndër faktorët dhe çështjet më të rëndësishme sot në botë dhe në këtë kontekst e gjithë hapësira shqiptare shpesh është cilësuar si një “laborator i studimeve migratore”. Roli që ka hapësira gjeografike tek lëvizjet migratore dhe ndikimi që ka nga ana tjetër migrimi mbi hapësirën gjeografike janë dy anët e një medaljeje që modelojnë tiparet territoriale dhe sociale të Shqipërisë. Migrimi dhe braktisja rurale janë faktorë të rëndësishëm në ndryshimet në territor dhe në degradimin e mjedisit, veçanërisht në erozionin e tokës.

Konferenca vjen në një kohë kur çështja e emigracionit është kthyer në një nga fenomenet sociale dhe ekonomike më të rëndësishme për botën e sotme, në dritën e sfidave që po përballet emigracioni shqiptar siç janë: integrimi i emigrantëve në tregun e punës së vendeve pritëse, bashkëjetesa dhe menaxhimi i krizës ekonomike, format e reja dhe të mbivendosura të mobilitetit, çështje të identitetit dhe qytetarisë etj. Migrimi ka qenë dhe mbetet prej shumë dekadash një faktor kyç ekonomik e social, që ka ridimensionuar jo vetëm jetesën e migrantëve dhe atyre që kanë mbetur pas, por edhe hapësirën gjeografike në të cilin këta njërëz veprojnë nëpërmjet fenomeneve të mbipopullimit, depopullimit, urbanizimit kaotik, ndotjes së mjedisit etj.

Pjesëmarrës në këtë konferencë do të jenë rreth 70 kërkues shkencorë dhe të ftuar të ardhur nga vende të ndryshme të rajonit. Punimet interesante dhe prania e studiuesve nga rajone dhe fusha të ndryshme kërkimore premton një Konferencë dinamike dhe me cilësi të lartë.

Must watch
Business Mag Nr. #25 - Mars 2021

Kjo periudhë përkon me një vit të plotë në kushte pandemie në vendin tonë, në Europë dhe në mbarë botën. Në një vit ndodhën shumë zhvillime, të paparashkuara ndonjëherë më parë nga ne, duke hedhur poshtë shumë plane apo projekte tonat për rritjen. Por, në këtë kohë sipërmarrje të ndryshme u vunë në lëvizje për të gjetur zgjidhje të reja e për të siguruar mbijetesën.

Në këtë numër të revistës, vijnë zhvillimet përmes gjurmëve që kanë lënë tek industri, sipërmarrje apo individë sipërmarrës.

Pano Soko, ekonomist i njohur flet për efektet e paketave ekonomike të mbështetjes dhe nevojën për paketa ndihme në industritë e prekura.

Rubrika 3X3 i kushtohet industrisë së verërave. Nga intervistat tona me 3 prodhues rezulton se

verërat shqiptare janë të “paralizuara” nga pandemia.

Verërat janë në një trend me turizmin. Brunila Liçaj, profesore dhe eksperte në fushën e turizmit është optimiste për të ardhmen e kësaj fushe.

Në rubrikën e brandeve kemi sjellë, fabrikën e qumështit dhe prodhimeve të bulmetit “Lufra”, ndërsa një brand që po rimëkëmbet nga Kosova është prodhuesi i këpucëve artizanale “Perolli”. Të dy këto brande janë model frymëzimi për njerëzit e punës!

Një pjesë e rëndësishme e revistës i dedikohet konkursit dhe fituesve të Businessmag në …

Shiko më shumë
Na ndiqni në rrjetet sociale
0