Organizohet Konferenca e dytë vjetore “Migrimi në Ballkanin Perëndimor” - Business Magazine Albania

Organizohet Konferenca e dytë vjetore “Migrimi në Ballkanin Perëndimor”


Rrjeti i Migrimit në Ballkanin Perëndimor, në bashkëpunim me Universitetin Ndërkombëtar të Burch (IBU), organizojnë Konferencën e 2-të Vjetore në Sarajevë19-20 Maj 2017. Konferenca do të organizohet nga Qendra e Vlerësimit të Zhvillimeve dhe Kërkimeve Shkencore për Çështjet Sociale (CDESS), i cili është institucioni koordinues i Rrjetit.

Qëllimi i konferencës është të bashkojë studiues dhe krijues të politikave nga Ballkani Perëndimor me fokus në krijimin e forumit për shkëmbimin e njohurive dhe diskutimit të çështjeve që rrethojnë hulumtimin dhe politikat e migracionit, për të sfiduar modele ekzistuese dhe diskurset e migrimit, për të adresuar sfidat e politikave dhe për të ofruar zgjidhje për trajtimin më njerëzor të emigrantëve dhe shfrytëzimin më të mirë të lëvizshmërisë njerëzore.

Konferenca do të fillojë me seancën plenare, me fjalime nga studiues të shquar në studimin e migrimit. Pjesa tjetër e konferencës do të përbëhet nga një sërë panelesh tematike, me disa prezantime të punimeve kërkimore, një prezantim nga të ftuar nga institucionet qeveritare, OJF, organizatat ndërkombëtare, etj, ndjekur nga një diskutim i çështjeve të ngritura në panel. Gjuha zyrtare e konferencës është gjuha angleze.

Konferenca ka një qasje multidisiplinare dhe synon të sjellë së bashku studiues nga një gamë e gjerë disiplinash duke përfshirë antropologjinë, demografinë, ekonominë, ligjin, psikologjinë, sociologjinë, gjeografinë, shkencat shëndetësore, shkencat politike, marrëdhëniet ndërkombëtare dhe disiplina të tjera të ngjashme me një fokus në lëvizjen njerëzore. Hulumtimet ndër-disiplinore dhe perspektivat krahasuese do të nxiten në mënyrë të veçantë.

Tema të mundshme mund të jenë: migrimi dhe zhvillimi; efekti i migrimit në varfëri dhe pabarazi; remitancat; remitancat sociale; eksternalitetet e diasporës; migrimi dhe ndryshimet institucionale; migrimi dhe ndryshimet demografike; migrimi dhe urbanizimi; tregu i punës dhe lëvizshmëria në punë; migrimi i detyruar; migrimi dhe siguria; kriza aktuale e refugjatëve; migrimi dhe trafikimi; migrimi i brendshëm.

Gjatë konferencës do të mbahet dhe takimi vjetor i bordit të “Western Balkans Migration Network” ku do të adresohen dhe problematikat kryesore si dhe planet për të ardhmen. Në këtë takim Dr. Erka Caro, nga Universiteti i Tiranës dhe eksperte e fushës së migracionit do të prezantojë idenë e krijimit të një “Observatori të Migrimit në Ballkan“.

Shkarkoni programin e plotë të koferencës këtu.

Must watch
Business Mag Nr. #25 - Mars 2021

Kjo periudhë përkon me një vit të plotë në kushte pandemie në vendin tonë, në Europë dhe në mbarë botën. Në një vit ndodhën shumë zhvillime, të paparashkuara ndonjëherë më parë nga ne, duke hedhur poshtë shumë plane apo projekte tonat për rritjen. Por, në këtë kohë sipërmarrje të ndryshme u vunë në lëvizje për të gjetur zgjidhje të reja e për të siguruar mbijetesën.

Në këtë numër të revistës, vijnë zhvillimet përmes gjurmëve që kanë lënë tek industri, sipërmarrje apo individë sipërmarrës.

Pano Soko, ekonomist i njohur flet për efektet e paketave ekonomike të mbështetjes dhe nevojën për paketa ndihme në industritë e prekura.

Rubrika 3X3 i kushtohet industrisë së verërave. Nga intervistat tona me 3 prodhues rezulton se

verërat shqiptare janë të “paralizuara” nga pandemia.

Verërat janë në një trend me turizmin. Brunila Liçaj, profesore dhe eksperte në fushën e turizmit është optimiste për të ardhmen e kësaj fushe.

Në rubrikën e brandeve kemi sjellë, fabrikën e qumështit dhe prodhimeve të bulmetit “Lufra”, ndërsa një brand që po rimëkëmbet nga Kosova është prodhuesi i këpucëve artizanale “Perolli”. Të dy këto brande janë model frymëzimi për njerëzit e punës!

Një pjesë e rëndësishme e revistës i dedikohet konkursit dhe fituesve të Businessmag në …

Shiko më shumë
Na ndiqni në rrjetet sociale
0