Oferta Juaj: Aplikacioni i cili ju ndihmon portofolin! - Business Magazine Albania

Oferta Juaj: Aplikacioni i cili ju ndihmon portofolin!


Sa më shumë që kalon koha, aq më të dukshme bëhen ndryshimet madje edhe në Shqipërinë tonë të vogël. Tashmë të gjithë jemi dëshmitarë të “lamtumirës” së letrave dhe objekteve fizike dhe pritjes (ose ndonjëherë mirëpritjes) së teknologjive të reja.

Kompania ALMOTECH ose ndryshe Albanian Mobile Technology është një kompani shqiptare, e cila operon prej 3 vitesh. Së fundmi, ajo ka publikuar në Apple Store dhe Play Store aplikacionin e saj më të fundit të quajtur Oferta Juaj.

Oferta juaj, është mënyra e re se si të shpëtoni nga rrëshqitjet tek shkallët e pallatit, të shkaktuara nga numri i madh i fletëpalosjeve dhe nga minikatalogët e ofertave me madhësinë e gazetave.

Tashmë shumë biznese janë pjesë e kësaj platforme e cila është ende në zhvillim e sipër.

Me të hapur aplikacionin, na jepet mundësia të krijojmë një llogari, e cila me vonë do të na ndihmojë të ruajmë ofertat tona të preferuara, degët dhe kategoritë. Në të të kundert, vetëm mund të aksesojmë materialet por pa mundur t’i ruajmë ato.

Lexo: Aplikacioni i shqiptarit nga Presheva zgjidhet si më i miri në Itali

3 janë mënyrat se si mund të krijojmë një llogari: 1. Duke vendosur email dhe password, pra mënyra klasike; 2. Duke përdorur llogarinë në Facebook; 3. Duke përdorur llogarinë tonë në Google+. Më pas, me një klikim të vetëm, do të kemi përpara të gjitha ofertat që ky aplikacion ka postuar në të.

Kategoritë na e lehtësojnë më shumë jetën sepse na lejojnë të zgjedhim atë që kërkojmë dhe automatikisht shfaqen të gjitha ofertat për një kategori të caktuar.

Më pas, nëse klikojmë tek “Harta”, duke përdorur ose jo GPS e smartphone-it tonë, do të na shafqet vendndodhja jonë, së bashku me vendndodhjen e të gjitha degëve të bizneseve. Duke klikuar tek një nga bizneset në hartë, do të na shfaqet një dritare e re e cila na tregon adresën e saktë dhe oraret e operimit të degës në fjalë. Këtu shfaqet një nga problemet e para të aplikacionit.

Lexo: Erjon Tusha: “Pa rrezikuar nuk arrin asgje!”

Nga 3 seksione, seksioni i 3 i është dedikuar ofertave të degës në fjalë, por megjithëse ajo pikë ka oferta aktive, asnjë nuk është e shfaqur në dritaren në fjalë, nëse përdorim hartën. Kjo do e lehtësonte së tepërmi punën e përdoruesit sepse duke ditur vendndodhjen e tij dhe të dyqanit, do ta ketë më të lehtë të drejtohet në vendin e duhur dhe në pikën më të afërt. Por, ndoshta kjo do të rregullohet në versionet e reja të aplikacionit.

Më pas, nëse klikojmë 3 vizat paralele në cepin e majtë lart të ekranit, na shfaqen të gjitha kompanitë në databazën e aplikacionit. Një zgjedhje pak jo e zakonshme kjo, pasi, standardi i aplikacioneve, është që duke klikuar në atë pikë, hapen të dhënat bazike të aplikacionit të cilat, në rastin konkret, ndodhen në anën tjetër të ekranit. Ndërsa zilja, në opinionin tim personal është në vendin e duhur. Ajo tregon njoftimet dhe në të shfaqen ofertat më të reja. Opsionale është që njoftimet e reja të na vijnë si njoftimet e thjeshta në homescreen, ashtu si Facebook, WhatsApp etj.

Aplikacioni është bazik por goxha funksional për qëllimin e ekzistencës së tij.

Lexo: 3 shpikjet të cilat nuk do t’a besoni që ekzistojnë

Ndoshta është ende pak herët, por ky aplikacion do të bëhej akoma edhe më i vlefshëm nëse në vazhdim do të lidhte dyqanet me klientët, ku njerëzit mund të blejnë produktet direkt nga aplikacioni, pa qenë nevoja të shkojnë deri në dyqan.

Tashmë, na duhet vetëm të rrëshqasim gishtat nëpër ekran për të pare broshurat e reja dhe të mos jemi më të vëmëndshëm teksa ngjitim shkallët e pallatit, njësoj si në një pistë patinazhi në akull. Një transformim ky, më i lehtë për t’u përshtatur se me ndryshime të tjera në jetën tonë të përditshme, si pasojë e teknologjisë.

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #29 - Korrik 2022

Art në biznes & biznes me art

Ky numër vjen me tema të fushave të paprekura më parë nga ne.

Sipërmarrja gjendet kudo, ndaj këtë radhë u ndalëm tek industria e modës dhe kinematografia. Arti është një fushë ku mund të lulëzojnë shumë sipërmarrje të suksesshme. Përmes investimit në art, jo vetëm bëjmë biznes, por i shërbejmë shumë më tepër identitetit shqiptar, duke krijuar mundësi të promovohen e të njihen në tregje globale, vendi, kultura dhe tradita shqiptare. Pra, të hapet rruga edhe për turizëm dhe eksporte më të mëdha.

Sot vijmë me artikuj dedikuar modës, sfidave aktuale, ndikuar nga kriza e çmimeve të larta, por edhe mundësive për zbulimin e talenteve. Muza Competition, konkursi i artistëve të rinj u kurorëzua me 10 finalistë nga diaspora dhe fitoren e një vajze të re. E sapodiplomuar në Amerikë, Alisa Dudaj, spikati, duke treguar me punimet e saj talentin dhe vlerësimin e traditës. Businessmag beson tek talentet dhe synon të frymëzojë përmes tyre. Në fushën e artit ju mund të nisni një startup, ndaj në faqen kryesore sjellim stilisten e re.

Një tjetër industri që po lulëzon mes vështirësish është ajo e kinematografisë. Financat publike vendase janë të ulëta dhe kineastët kërkojnë vë…

Shiko më shumë
Na ndiqni në rrjetet sociale
0