Krijoni “user” dhe pasi të pranoni konfirmimin në email, votoni për #Blue Odyssey nga Protik Innovation Center #Albania, në këtë LINK.
Rreth projektit
Zgjidhja konsiston në zhvillimin e dy mjeteve:
Një nga mjetet që ata kanë përdorur përfshin teknologjinë VR. Ajo është menduar si një mënyrë shumë interesante për të përjetuar një udhëtim virtual në një nga satelitët aktualë të NASA-s, teksa orbiton Tokën. Është e mundur që të gjithë ne ta kemi këtë mundësi dhe për më tepër të zgjerojmë njohuritë tona, nga komoditeti i shtëpisë. Prototipi i tyre përfshin elementët kyç që një satelit do të shihte kur orbiton tokën si: Toka, Dielli, Hëna, Asteroidet, Mbetjet e Hapësirës dhe satelitë të tjerë me një mundësi për të ndryshuar pikëpamjen nga një satelit tek tjetri. Satelitët grumbullojnë informacione shumë të rëndësishme, të sakta dhe interesante rreth planetit tonë dhe ata e inkorporojmë këtë duke përdorur pika të caktuara ku përdoruesi do të fokusohet ose klikojë dhe informacioni do të shfaqet. Në të ardhmen ata duan të përdorim të dhënat që NASA ofron për të shfaqur dhe përditësuar informacionin që do të shfaqet në një ndërfaqe më miqësore.
Gjithashtu ata kanë përdorur teknologjinë AR për të demonstruar objekte 3D brenda një ekrani të një pajisje të caktuar, të një imazhi të caktuar, të gjetur në një revistë. Kjo është zhvilluar duke adresuar nevojat e studentëve që studiojnë astronomi, një mësues që dëshiron ta bëjë mësimin e tyre më argëtues, një fermer i shqetësuar për ndryshimet atmosferike që ndodhin në zonën e tij ose thjesht individë kuriozë. Mjeti do të mbështetet nga një aplikacion që do të përdorë të dhënat e mbledhura çdo ditë / orë dhe do t’i përditësojë ato në ndërfaqet përkatëse duke marrë parasysh çdo përdorues fundor.
Cili është ekipi që ndodhet pas projektit “Blue Odyssey”?
Al’Ert Buraj – Aktualisht student në Shkollën e Lartë Teknike “Harry T Fultz”. I pëlqen të mësoj rreth hapësirës.
Denis Ibrahimi – Student i Inxhinierisë Informatike, zhvillues software-i. Ka punuar në zhvillimin e VR. I pasionuar pas VR, AR, zhvillimit të lojërave dhe Machine Learning*.
Ema Myrtollari – Studente e Informatikës së Biznesi. Dashuron shkencat kompjuterike, programimin dhe shkencën hapësinore. E pasionuar pas VR, teknologjisë së lojrave dhe librave Sci-Fi.
Fabjon Gjuzi – Student i degës “Teknologji, Informacion dhe Komunikim”. Aktualisht zhvillues software-i. I pasionuar për programim, UA, hapësirat e jashtme, misionet hapësinore dhe teknologjitë futuriste.
Jurgen Jazaj – Student i Inxhinierisë Elektrike, që vjen nga një shkollë e mesme profesionale e quajtur “Gjergj Canco” me fokus në rrjetin e të dhënave, profilin e TIK. I pasionuar për teknologjitë 3D siç janë printimi 3D, skanerët dhe gjithashtu ekranet holografike. Ka përvojë në modelimin 3D, si dhe ka njohuri për printera me kosto të ulët 3D dhe ato industriale.
Nikolin Kosta – student i Menaxhimit të Bujqësisë, Grafik Dizajn. Ai ka punuar dhe ka bërë grafika dhe modele 3D. I pasionuar për animacion, 3D, VR, AR dhe dizajnin e lojërave.
Machine Learning* – është nënfushë e shkencës kompjuterike që, sipas Arthur Samuel në vitin 1959, i jep “kompjuterëve aftësinë për të mësuar pa u programuar në mënyrë eksplicite”.
Burimi: 2017.spaceappschallenge.org
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
