OBSH mbledhje urgjente në Evropë: Izolimet kombëtare, mundësia e fundit

Organizata Botërore e Shëndetësisë ditën e sotme ka mbledhur të gjithë Ministrat e Shëndetësisë nga vendet e Evropës për të diskutuar rreth situatës së pandemisë së koronavriusit e cila po përkeqësohet. Lajmin e ka bërë të ditur shefi i OBSH-së në Evropë Hans Kluge, i cili ka treguar se çfarë është diskutuar në takimin virtual me ministrat e shëndetësisë. Ai tha se zgjidhja e vetme për të parandaluar transmetimin në komunitet të Covid-19 është izolimi si në muajin Mars.

“Izolimi i shoqërisë do të parandalonte transmetimin e koronavirusit dhe do t’i jepte sistemit shëndetësor hapësirën e nevojshme, por ai gjithashtu ka një kosto të madhe”, është shprehur drejtori rajonal i OBSH-së për Evropën, Hans Kluge.

LEXO: Kreu i OBSH u bën thirrje liderëve të mos dorëzohen

Kluge tha se një përgjigje e fortë ndaj pandemisë, nuk do të thotë izolime të rrepta, siç ndodhën në pranverë. Pasojat e izolimeve përfshijnë shëndetin e dobët mendor, rritjen e dhunës në familje dhe dëmtimin e ekonomisë, paralajmëroi ai. “Duke pasur parasysh këto realitete, ne i konsiderojmë bllokimet kombëtare një mundësi të fundit”, tha zyrtari i OBSH-së. Ditët e fundit shumë vende europiane kanë marrë masa drastike për frenimin e përhapjes së mëtejshme të virusit.

Must watch
Business Mag Nr. #24 - Tetor 2020

Numri 24 i revistës Businessmag.al sjell një panoramë të zhvillimeve, përshtatjeve dhe ecurisë në sektorë të ndryshëm të ekonomisë. Në të njëjtën kohë, shohim zhvillime relativisht të kënaqshme.  Organizime të reja si Dhoma Ekonomike e Gruas, duket si një shpresë për më shumë zë, lobim dhe mbështetje për gratë sipërmarrëse dhe sipërmarrjet e reja.

Gjatë kësaj periudhe angazhime si programi “Ringrihu më i fortë”, ishin një lloj kundërpërgjigje ndaj dëmeve ekonomike që po shkakton pandemia.

Influencerat vijojnë të rrisin hapësirat e tyre dhe janë bërë një instrument i rëndësishëm marketimi. Në brendësi të revistës do të gjeni renditjen e top 100 influencerave më të mëdhenj në vend.

Gjatë kësaj vere ndërkohë, vetë Businessmag pati një fushatë të suksesshme të promovimit të turizmit shqiptar. Qindra të rinj u angazhuan të dërgojnë foto dhe përshkrimet e vendeve të ndryshme të Shqipërisë.

Shiko më shumë
Na ndiqni në rrjetet sociale