Nuk kanë të ndalur problemet për Apple, pas padisë në Gjykatën e Lartë priten ulje të shitjeve të iPhone - Business Magazine Albania

Nuk kanë të ndalur problemet për Apple, pas padisë në Gjykatën e Lartë priten ulje të shitjeve të iPhone


Java ka shkuar shumë keq për Apple: Kompania nuk është përballur vetëm me një vendim negativ nga Gjykata e Lartë e SHBA si pjesë e një padie, por tani rritja e tensioneve tregtare midis SHBA dhe Kinës kërcënojnë të ndikojnë në kërkesën e iPhone.

Lexoni: Adoleshenti padit Apple pasi teknologjia e njohjes së fytyrës çoi në arrestimin e tij

Humbja e Apple në Gjykatën Supreme

Apple po përballet me një padi në Gjykatën e Lartë në SHBA me pasoja shumë të rënda për gjigantin e teknologjisë. Paditësit, katër përdorues të iPhone, pohojnë se Apple në mënyrë të paligjshme monopolizoi App Store nëpërmjet një numri praktikash.

Apple tarifon zhvilluesit deri në 30% për shitjet e bëra në App Store, një kosto që shpesh i kalon konsumatorëve. Dhe pasi rivalët nuk lejohen të konkurrojnë për këta përdorues jashtë platformës – përdoruesit e iPhone mund të blejnë vetëm aplikacione nëpërmjet App Store – paditësit argumentojnë se po krijohet një strukturë çmimi më e lartë se konkurruese.

Në përgjigje të vendimit të së Hënës, zëdhënësi i Apple, Josh Rosenstock tha: “Zhvilluesit vendosin çmimin që ata duan të tarifojnë për aplikacionin e tyre dhe Apple nuk ka asnjë rol në këtë. Shumica dërrmuese e aplikacioneve në App Store janë falas dhe Apple nuk merr asgjë prej tyre,” sipas The New York Times.

Çfarë do të thotë ky vendim për Apple?

Apple tani do të duhet të mbrojë praktikat e saj në një gjykatë të shkallës më të ulët dhe nëse nuk mbron pozicionin e saj do të përballet me humbje të mëdha. Së pari, prodhuesi i smartphone mund të pësojë dëmet monetare, të cilat mund të arrijnë miliarda dollarë. Dhe nëse detyrohet të ndryshojë mënyrën se si funksionon App Store, mund të ketë një ndikim negativ në rritjen e të ardhurave të segmentit të Shërbimeve. Në varësi të rezultatit, Apple mund t’i duhet të lejojë përdoruesit e iPhone të shkarkojnë aplikacione nga burime të tjera ose të uli kostot për zhvilluesit. Kjo mund të nënkuptojë lajme të këqija për segmentin e Shërbimeve të vlefshme: Në gjysmën e parë të vitit 2019, Shërbimet e Apple – ku firma krijon financat e App Store – arritën 22.3 miliardë dollarë në shitje, duke përbërë 20% të të ardhurave totale në tremujorin e dytë fiskal 30 Mars 2019.

Ndërsa Apple nuk e prish segmentin e Shërbimeve, firma zbuloi në janar se zhvilluesit kishin fituar 120 miliardë dollarë nga App Store që nga fillimi i saj në 2008, më shumë se një e katërta e asaj që erdhi vetëm vitin e kaluar. Duke përdorur këto shifra, ne mund të llogarisim një vlerësim të përafërt të shumës maksimale që Apple mund të kishte fituar nga shitjet e App Store në 2018; nëse zhvilluesit fitonin të paktën 30 miliardë dollarë në vitin 2018, pasi një tarifë prej 30% ishte aplikuar, Apple mund të fitonte më shumë se 12.8 miliardë dollarë.

Rritja e tensioneve tregtare

Kina njoftoi kohët e fundit se po rrit tarifat mbi 60 miliardë dollarë të produkteve amerikane në përgjigje të rritjes së tarifave mbi 200 miliardë dollarë mallra kineze. Tani thuhet se administrata Trump është duke u përgatitur për të rritur tarifat mbi importet kineze edhe më shumë – 300 miliardë dollarë – deri në 25%, sipas NPR.

Lexoni: Huawei, sapo tejkaloi kompaninë Apple

Çfarë nënkupton një luftë tregtare me Kinën për Apple?

Apple është veçanërisht e ndjeshme ndaj një lufte tregtare midis dy ekonomive më të mëdha të botës, sepse kompania me bazë në SHBA monton produktin e saj më të rëndësishëm iPhone në Kinë. Nëse tarifat janë më të larta në Apple, firma do të duhet ose të uli kostot ose të rrisë çmimin e pajisjeve të saj. Asnjë nga këto zgjidhje nuk e ndihmon Apple, pasi synon të ndikojë në rënien e shitjeve të iPhone.

burimi: BusinessInsider

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #25 - Mars 2021

Kjo periudhë përkon me një vit të plotë në kushte pandemie në vendin tonë, në Europë dhe në mbarë botën. Në një vit ndodhën shumë zhvillime, të paparashkuara ndonjëherë më parë nga ne, duke hedhur poshtë shumë plane apo projekte tonat për rritjen. Por, në këtë kohë sipërmarrje të ndryshme u vunë në lëvizje për të gjetur zgjidhje të reja e për të siguruar mbijetesën.

Në këtë numër të revistës, vijnë zhvillimet përmes gjurmëve që kanë lënë tek industri, sipërmarrje apo individë sipërmarrës.

Pano Soko, ekonomist i njohur flet për efektet e paketave ekonomike të mbështetjes dhe nevojën për paketa ndihme në industritë e prekura.

Rubrika 3X3 i kushtohet industrisë së verërave. Nga intervistat tona me 3 prodhues rezulton se

verërat shqiptare janë të “paralizuara” nga pandemia.

Verërat janë në një trend me turizmin. Brunila Liçaj, profesore dhe eksperte në fushën e turizmit është optimiste për të ardhmen e kësaj fushe.

Në rubrikën e brandeve kemi sjellë, fabrikën e qumështit dhe prodhimeve të bulmetit “Lufra”, ndërsa një brand që po rimëkëmbet nga Kosova është prodhuesi i këpucëve artizanale “Perolli”. Të dy këto brande janë model frymëzimi për njerëzit e punës!

Një pjesë e rëndësishme e revistës i dedikohet konkursit dhe fituesve të Businessmag në …

Shiko më shumë
Na ndiqni në rrjetet sociale
0