Një vështrim vjetor mbi turizmin në Shqipëri

Një vështrim vjetor mbi turizmin në Shqipëri


Për turizmin, 2015-a ishte një vit me rritje pozitive sa i përket shifrave të numrit të vizitorëve. Sipas Bankës së Shqipërisë për 9-mujorin e parë të 2015-s, numri i turistëve u rrit me rreth 12% në krahasim me të njëjtën periudhë të vitit 2014.

Gjatë 2015-s u vu re edhe një ndryshim i gjeografisë së origjinës së prurjeve turistike. Nëse para disa vitesh ardhjet ishin kryesisht nga rajoni (Maqedonia, Kosova), në sezonin që lamë pas ishin nga Sllovenia, Sllovakia, Çekia, Polonia, Norvegjia, Suedia, Italia, Austria, Danimarka, Gjermania, Franca.

Për të zgjeruar mbërritjet e turistëve ndërkombëtarë, sfidë mbetet hapja ndaj tregut aziatik, kryesisht atij kinez. Për këta të fundit zbatohet edhe liberalizimi sezonal i vizave.

Megjithatë për vitin 2016, sfidat kryesore do të jenë: cilësia e shërbimit dhe industria e mikpritjes. Ka disa të dhëna për periudhat deri në muajin shtator për sa u përket mbërritjeve turistike apo ndikimit ekonomik.

Miratimi i ligjit të ri për turizmin pritet që të sjellë një disiplinim të kësaj industrie, me fillimin e zbatimit të standardeve dhe klasifikimeve,shprehen specialistët e fushës. Saranda-2-350x197
Për sa u përket tregjeve, duke u bazuar nga çfarë raportohet nga operatorët turistikë dhe çfarë është pasqyruar në media, prurjet më të mëdha kanë qenë nga vendet e Europës Lindore, ndërsa turistët nga kontinenti aziatik kanë qenë në nivele më të ulëta. Ndonëse me vlera totale të vogla, tregjet burimore të Shqipërisë në rang vendesh kanë shifra të turistëve të huaj që variojnë nga 5,000 deri në 100,000 vizitorë në vit. Shpërndarja e tyre mbizotëron më shumë në gjysmën e parë të vitit.

Ne mund të themi se problemet e turizmit shqiptar vazhdojnë të jenë: niveli i taksave, infrastruktura që gjithmonë nuk është uniforme apo konsistente si dhe kultura e shërbimit.

Promovimi i turizmit ka ardhur në rritje, sidomos në dy vitet e fundit me rritjen edhe të buxhetit në këtë sektor të ekonomisë.

ski ne dardhShqipëria merr pjesë rregullisht në disa panaire ndërkombëtare të udhëtimit e turizmit. Me rritjen e buxhetit, ky numër jo vetëm që është rritur, por përcaktimi i pjesëmarrjes në këto panaire është bërë në konsultime me bizneset private. Kjo gjë i shton më shumë mundësitë e lidhjes së kontratave të reja, por edhe të përmirësimit të atyre ekzistuese, duke shtuar numrin e grupeve.

Për sa u përket produkteve turistike, bregdeti zë vendin kryesor dhe dominohet nga tregu i vendit dhe nga shqiptarët etnikë të vendeve fqinje dhe është mjaft sezonal.

Prioritet i duhet dhënë pastërtisë në plazhe, ujit të detit, menaxhimit të bregdetit, aktiviteteve të ndryshme që duhet t’u shtohen pushimeve të sezonit. Edukimi në turizëm, duhet kthyer në një shkollë, ku të kemi studentë që vërtet duan të diplomohen në këtë sektor.

Ideja e një turizmi gjithëstinor, do të kërkonte një strategji të detajuar dhe investime konkrete. Turizmi malor dhe ai rural-familjar, duhen parë si prioritete në ekonominë e vendit.

/ATSH/

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #25 - Mars 2021

Kjo periudhë përkon me një vit të plotë në kushte pandemie në vendin tonë, në Europë dhe në mbarë botën. Në një vit ndodhën shumë zhvillime, të paparashkuara ndonjëherë më parë nga ne, duke hedhur poshtë shumë plane apo projekte tonat për rritjen. Por, në këtë kohë sipërmarrje të ndryshme u vunë në lëvizje për të gjetur zgjidhje të reja e për të siguruar mbijetesën.

Në këtë numër të revistës, vijnë zhvillimet përmes gjurmëve që kanë lënë tek industri, sipërmarrje apo individë sipërmarrës.

Pano Soko, ekonomist i njohur flet për efektet e paketave ekonomike të mbështetjes dhe nevojën për paketa ndihme në industritë e prekura.

Rubrika 3X3 i kushtohet industrisë së verërave. Nga intervistat tona me 3 prodhues rezulton se

verërat shqiptare janë të “paralizuara” nga pandemia.

Verërat janë në një trend me turizmin. Brunila Liçaj, profesore dhe eksperte në fushën e turizmit është optimiste për të ardhmen e kësaj fushe.

Në rubrikën e brandeve kemi sjellë, fabrikën e qumështit dhe prodhimeve të bulmetit “Lufra”, ndërsa një brand që po rimëkëmbet nga Kosova është prodhuesi i këpucëve artizanale “Perolli”. Të dy këto brande janë model frymëzimi për njerëzit e punës!

Një pjesë e rëndësishme e revistës i dedikohet konkursit dhe fituesve të Businessmag në …

Shiko më shumë
Na ndiqni në rrjetet sociale
0