Një spot televiziv “ONE SHOT", prezantohet për herë të parë nga një kompani shqiptare - Business Magazine Albania

Një spot televiziv “ONE SHOT”, prezantohet për herë të parë nga një kompani shqiptare

ONE SHOT

TIBO, platforma shqiptare IPTV OTT, ka prezantuar logon e re dhe zgjodhi ta bëjë këtë me një spot gjenial të xhiruar me teknikën one-shot.

Në këtë fushatë prezanton imazhin e ri, duke zgjedhur si Ambasador të markës, gazetarin e njohur, Marin Mema.

Teknologjia “one shot” e filmit, ka një histori 70 vjeçare. Ajo është përdorur fillimisht në filmat dhe së fundi ka gjetur vend edhe në industrinë e reklamave televizive botërore. Një spot one-shot realizohet duke xhiruar të gjithë videon me një kamer të vetme lëvizëse. Gjenialiteti i spotit realizohet përmes gjetjeve skenografike që krijojnë idenë e skenave dhe situatave tërësisht të ndryshme përgjatë spotit.

Sipas drejtuesve të IPTV, arsyeja përse deri më sot nuk është praktikuar në Shqipëri është për shkak të vështirësisë që ka për realizim në pak sekonda një skenar intensiv me one-shot. Ai kërkon koordinim milimetrik mes kamerës dhe aktorëve, kostumografisë dhe skenografisë.

Në këtë spot one-shot, skenat lëvizin magjishëm bashkë me personazhin kryesor, i cili shfaqet fillimisht në majë të një mali me veshje alpinizmi dhe teksa ecën ri-shfaqet me këmishë dhe xhaketë, në dhomën e dy të rinjve që po shohin televizor. Teksa rrëfen historikun e zhvillimit të konceptit të produktit, muri hapet dhe gjendet në dyqan, më tej del në rrugë, ku para i del makina e “Thelma and Luise”. Në kapërcimin skenik të radhës kalon nga një ambient lokali tek një skenë masive me 70 personazhe të ndryshme filmash. Nga këtu bëhet kapërcimi në skenën e një avioni e më tej në kinema dhe mbyllet në një dhomë ndenjeje me familjen. Në spot ndjehet një harmoni mes personazhit kryesor, Marin Mema. Ai prezantohet në krye të spotit, siç jemi mësuar ta shohim në dokumentarët e tij, nëpër male. Në pak sekonda më tej mbyllet me produktin në formatin më tradicional të të përdorurit: në kolltukun e dhomës së ndenjes, me familjen para televizorit.

Kompania komunikoi zyrtarisht këtë javë se me ndryshimin grafik të markës, u hoqën fillimisht “kornizat e ekranit në logo” duke arsyetuar se, sikur tregon edhe tregu, TiBO evidentohet qartë si brand përparimtar në industrinë TV. Logo nuk ka më kufizime, sepse tanimë, nevoja që plotëson është e shumëfishtë… TiBO është TIBO dhe pas i vjen historia 😊, ky ishte dhe slogani i fushatës televizive.

Blerina Kapaj, Anëtare e Bordit Ekzekutiv në TIBO, përgjegjëse për Produktin, Marketingun dhe Shitjet shpjegoi për Business Magazine se: “Logoja jonë e re pa ekranin, dhe slogani i ri “…më shumë se TV “, pasqyron angazhimin tonë për të sjellë performancë më të mirë në shërbimet tona dhe për të sjellë shumë më shumë sesa argëtim në TV për klientët tanë. Znj. Kapaj shtoi gjithashtu se, “Ne duam që njerëzit të gjejnë shpresën dhe dëshirën brenda tyre, për të jetuar pozitivisht jetën, ndaj këtë kohë të dedikuar vetes ata ta shijojnë maksimalisht përmes produkteve dhe shërbimeve tona.”

Lexo: Spoti i Nike: “Duaje ëndrrën tënde derisa ajo të të dojë ty”

Sipas saj, spoti i parë i prezantimit të imazhit tonë të ri, ishte një gjetje e agjencisë sonë kreative dhe u aprovua në çastin e parë. Ky spot realizonte njëkohësisht të gjitha kërkesat tona për prezantim të vizionit tonë, prezantimin e imazhit të ri në evolucion, përmes ambasadorit të markës Marin Mema.Zgjedhja e një njeriu pozitiv është për të transmetuar të njëjtin nivel mirësie dhe shprese tek njerëzit, sidomos në një kohë të tillë ku nuk kemi nevojë për drama të tjera.

E pyetur për strategjinë e re të marketingut Kapaj shpjegon se, “Rritja e ndërgjegjësimit ndaj markës është një proces i ngadaltë dhe kërkues në vetvete. Në fakt, pas 7 vitesh investimi në punë të palodhur, natyrshëm erdhi rrugëtakimi me imazhin e ri te markës që do të pasqyrojë dhe vizionin tonë.”

Pse erdhi natyrshëm dhe pse në këtë moment?!

Marka është një lojë mendjeje dhe zemre. Ajo gjithashtu përfshin anën intuitive, atë “ndjenjë të brendshme” ose “llambën që ndizet”. Marka është një disiplinë krijuese, ku emocionet dhe instiktet janë thelbësore për të përçuar një mesazh domethënës dhe për të treguar një histori tërheqëse apo dhe rrënqethëse.

Si lidhet karakteri i ambasadorit me personalitetin e markës?

Gjëja e parë që konsideruam në ekuacionin e gjetjes së ambasadorit të markës, është personaliteti. Ne jemi të vetëdijshëm për faktin se fytyra dhe figura e ambasasdorit të markës do të përfaqësojnë një fytyrë dhe një figurë të kompanisë sonë.

Platforma jonë kujdeset që shqiptarët të mos harrojnë Shqipërinë dhe vendlindjen kudo që janë dhe Marini nga ana tjetër kujdeset që ky vend të mos i harrojë kurrë bijtë dhe bijat e saj bashkë me historitë dhe të vërtetat e tyre.

Misione të qarta, por jo të lehta për t’u arritur, e megjithatë të dy palëve na motivon vullenti dhe besimi tek ky komb dhe këta njerëz kombëdashës kudo që janë…

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #28 - Prill 2022

Si sipërmarrës e keni dëgjuar, madje e keni predikuar shprehjen: jeta nuk bëhet më e lehtë, thjesht ju bëheni më të fortë. Kësaj radhe po e përjetojmë siç nuk e kishim imagjinuar.

Ndërsa po synonim të dilnim nga kthetrat e pandemisë, një tjetër plagë goditi Europën. Sulmi rus ndaj Ukrainës, i pakonceptueshëm nga bota moderne, erdhi si një Tsunami në Europë dhe madje në të gjithë Botën. Lufta me armë shkatërruese, deri tek kërcënimi i përdorimit të armëve nukleare, po sjell një dëm të jashtëzakonshëm për Ukrainën dhe popullin e saj. Mijëra të vrarë dhe mbi 4 milionë të shpërngulur nga vendi, pavarësisht rezistencës së fortë dhe të paparashikuar të ukrain- asve.

Zhvillimet dinamike në më pak se një muaj, çuan në vendime të pamenduara më parë për dhjetëra kompani ndërkombëtare. Tregjet e lëndëve të para panë çmime të rritura me ritmet më të larta të 40 viteve të fundit, ndërsa sheshet në kryeqytetet botërore, përfshirë Tiranën, pritën protestat, fillimisht kundër luftës e më tej kundër rritjes së çmimeve. Më 8 Mars, Çmimi i Naftës kaloi nga 199 lekë/litër në 260-270 lekë për litër, ndërsa po gjatë marsit, çmimi i bukës masive kaloi nga 80 lekë në 100 dhë së fundi 120 lekë. Qeveria ngriti komitete për të …

Shiko më shumë
Na ndiqni në rrjetet sociale
0