Një paketë fiskale surprizë?! Sipërmarrësit kundërshtojnë - Business Magazine Albania

Një paketë fiskale surprizë?! Sipërmarrësit kundërshtojnë


 

Kryetari i Dhomës së tregtisë dhe Industrisë së Tiranës Nikolin Jaka ka theksuar gjatë një deklarate për shtyp se komuniteti i biznesit kishte marrë garanci se nuk do të kishte ndryshime të shpeshta fiskale dhe se paketat do të ishin 3 vjeçare. Por, sipas tij, hapat e fundit të hedhura nga autoritetet kanë rrëzuar këtë premtim. “Nëse do të propozohej një paketë, sot biznesi ka probleme më të mëdha që e shqetësojnë dhe për të cilat duhet të jepet zgjidhje duke sjellë në vëmendje heqjen e TVSH-së për fermerët si dhe taksën 3% tek ndërtuesit që për çdo leje duhet t’ja kalojnë Bashkisë si fond për banesat sociale”, ka theksuar Jaka.

Ai ka kujtuar se nga takimi që përfaqësuesit e biznesit kanë patur me përfaqësues të Ministrisë së Financave është premtuar që këtë vit nuk do ketë ndërhyrje në paketë fiskale pasi pritej pritej aplikimi i fiskalimimit. Një reformë e thellë kjo për sipërmarrjet.

Megjithatë, vetëm tre javë më vonë, në emailet e sipërmarrësve dhe përfaqësuesve të shoqatave të biznesit, mbërrin njoftimi për një ndryshim në ligjin “Për administrimin e Tatimeve dhe TVSH”. Sipas Jakës, kjo është një paketë fiskale e pakonsultuar dhe e parakordua me sipërmarrjen private.

Gjatë deklaratës së tij, ai thotë se, “Nëse do të bëheshin këto ndërhyrje, do të ishte e udhës të përfshihen emergjencat që ka sipërmarrja private sot si gabimi që u bë në dhjetor të 2018  për heqjen e TVSH së fermerëve, që pothuajse ka kaluar në kolaps të gjithë sistemin e bujqësisë dhe agro-përpunimit. Nga ana tjetër, kemi industrinë e ndërtimit që vuan me një taksë alogjike dhe antikushtetuese që është 3 % për banesat sociale, pasi kemi një ligj të miratuar për sigurimin e banesave dhe të gjithë ndërtuesit janë të detyruar të sigurojë pallatet për shitjet”.

Industria e ndërtimit, sipas tij, gjendet në një situatë kolapsi sepse nuk po gjen rrugët e bashkëpunimit dhe koordinimit, për të bërë ligje kushtetuese dhe brenda logjikës normale të funksionimit të biznesit. Ai tha se biznesi ka propozuar që gjobat të jenë minimale dhe të mos jenë të rënda e subjective. Sa më të vogla të jenë gjobat, aq më shumë ndërgjegjësohen njerëzit. Sa më shumë të ekzekutueshme të jenë ato aq më shumë ndërgjegjësohen njerëzit për të mos bërë gabime ligjore, sipas Jakës.

 

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #34 - Mars 2024

Për një vit të mbarë!

Viti 2024 ka nisur me sfidat dhe mundësitë e tij. Ndërsa kompanitë do të duhet të përballen me disa ndryshime ligjore dhe njëkohësisht trendet e tregjeve: si rritje çmimesh dhe rritje e kostos së fuqisë punëtore, startupet janë para mundësive dhe një klime favorizuese. Thirrje të shumta janë hapur në fushën e biznesit, kulturës dhe ideve të gjelbërta. Ndër më të rëndësishmit, programi i qeverisë për financimin e 80 startupeve në tre faza zhvillimi të tyre

Për të kuptuar rëndësinë e bizneseve të reja, veçanërisht në teknologji, mjafton të shohim që edhe sipërmarrje të konsoliduara vendase, si një grup kompanish si Balfin, kanë një vëmendje të theksuar tek startupet. Z. Samir Mane, President i këtij grupi, prej kohësh ka treguar interes, duke i mbështetur, por edhe duke investuar në një prej startupeve që pritet të sjellë revolucion në bio-inxhinieri. Vëmendja tek risia dhe inovacioni vlerësohet të jetë një nga arsyet kryesore, përse audienca jonë e zgjodhi në kompeticionin tonë të dhjetorit si Sipërmarrësi i Vitit. Në një intervistë ekskluzive, z. Mane tregon për ne copëza domethënëse nga …

Shiko më shumë
Na ndiqni në rrjetet sociale
0