Një model i ri biznesi nga Ikea: Klienti mund të marrë produkte me qira


Ne marrim makina me qira. Edhe veshjet po i blejmë me qira këto kohë. Kur afati përfundon ne shkojmë e kthjemë produktin.

Lexoni: Të marrësh rrobat me qera, e ardhmja e industrisë së modës

A mund të funksionojë kjo me mobiljet? IKEA ka vendosur t’i futet kësaj loje.

Me qëllim mbrojtjen e mjedisit dhe rritjen e jetëgjatësisë së produkteve duke i ripërdorur ato, Ikea ka vendosur të japë produktet e saj me qira.

Me pak fjalë, Ikea ka vendosur të na kursejë ca para. Edhe pse në vendin tonë ende nuk ka përfaqësi të këtij brandi, mendoni pak sikur po kërkoni të dekoroni zyrën tuaj apo thjesht të rinovoni mobiljet e sallonit. Në vend që të harxhoni shuma të mëdha parash për modelet më të reja, e të ndiheni keq për ato të vjetrat (për të cilat duhet të mendoni një vend të ri, apo thjesht t’i shisni për një vlerë qesharake), Ikea pranon produktet tuaja të vjetra dhe ju lejon të zgjidhni diçka tjetër.

Ky është një program pilot i cili fillimisht do të aplikohet në Zvicër, duke filluar nga ky muaj. Ende nuk dihen produktet që Ikea do të japë me qira, por nëse shkon mirë, ky projekt do të lançohet globalisht.

“Në vend që t’i hedhim, ne do t’i rinovojmë dhe mund t’i shesim ato sërish, duke zgjatur ciklin e jetës së produkteve”, tha për Financial Times, Torbjorn Loof, shefi ekzekutiv i Inter Ikea.

Grupi Ikea zotëron 276 dyqane në 25 vende. Por me klientët që do të marrin mobilje me qira, Ikea mund t’i devijojë këto produkte nga landfill-et dhe t’i rinovojë ato.

/INC

Must watch
Business Mag Nr. #23 - Qershor 2020

Të gjitha planet tuaja për këtë vit, si individë apo sipërmarrës mund të jenë përmbysur. Mbërritja e Coronavirusit në Shqipëri paralizoi gjithçka, ashtu si kudo. Në mënyrë të papritur na vuri në kushte tërësisht të tjera pune, na shtoi pasigurinë e shqetësimin për të ardhmen.

Sipërmarrjet, kryesisht në fushën e IT u përshtatën më shpejt, duke angazhuar punonjësit nga shtëpia. Ato zhvilluan dhe më tej mundësitë për të punuar në distancë, ndërkohë që shumë kompani të tjera u mbyllën plotësisht.

Kjo është një periudhë sprove, për individin, drejtuesit dhe liderin. Kjo është lufta që po zhvillohet në spitale dhe fronti i parë i saj janë mjekë, infermierë e sanitarë. Historia e ekonomisë k a treguar se gjithmonë pas një situatë të vështirë ka një ringritje. Dhe ne besojmë se kështu do të jetë.

Deri atëhërë ajo çka na mbetet të bëjmë është respektimi i rregullave të kërkuara, marrja e përgjegjësive ndaj të tretëve për aq sa mundemi, e të interesohemi për të pamundurit, të ndajmë diçka për ta.

Solidariteti nuk ka munguar e nuk do të na mungojë as kësaj radhe. Ajo çfarë doli në pah krahas solidaritetit ishte varfëria: e shtetit, e kompanive dhe e vetë individëve.

Një ditë pas dërgimit të 30 bluzave të bardha në Itali, The Guardian na vlerësoi në artikullin e saj si zemërgjerë edhe pse Ky numër ishte planifikuar të botohej në Prill 2020, por procesi u shty për shkak të masave të ndërmarra si pasojë e shpërthimit të Covid-19. Edhe pse në kohë vështirësish, jemi …

Shiko më shumë
Na ndiqni në rrjetet sociale