Një manual i abuzuesve online të fëmijëve zbulohet nga eSafety

manual i abuzuesve

Abuzuesit e fëmijëve kanë krijuar dhe shpërndarë një manual të dhimbshëm udhëzimesh për shënjestrimin e fëmijëve gjatë izolimit të koronavirusit. Ky manual është zbuluar së fundi nga agjencitë e sigurisë në rrjetet “e errëta” të internetit.

Me bllokimin në shtëpi gjatë pandemisë, në pothuajse të gjitha vendet e botës, vlerësohet të ketë pasur një rritje të theksuar të abuzimeve online ndaj fëmijëve dhe personave të tjerë më naivë.

Komisioneri i sigurisë online në qeverinë e Australisë ka raportuar rritje të madhe të numrit të kërkimeve në rrjetet “e errëta”, nga predatorë që kërkojnë informacion për joshjen dhe abuzimin e fëmijëve në internet.

Autoritetet australiane kanë zbuluar manualin e predatorëve, nga i cili shpërndahen imazhe seksuale të fëmijëve dhe video të tyre.

Shefja e agjencisë ‘eSafety ‘, Julie Inman Grant, tha se, “Ky manual këshillon predatorët e internetit si të marrin kënaqësitë e tyre online, pa u takuar me fëmijët, për arsye të kufizimeve dhe rritjes së vigjilencës nga autoritetet në rrugë.

Ajo thekson se, “abuzuesit e konsiderojnë pandeminë e Covid-19 si një koshere majti, në një kohë kur fëmijët, djem e vajza po kalojnë shumë kohë në internet, shpeshherë pa mbikqyrje, e ndoshta duke u ndjerë të vetmuar dhe të izoluar”.

Lexo: UNICEF: Si të flisni me fëmijët për Covid-19

Sipas autoriteteve janë zbuluar një numër i madh shkeljesh ndaj fëmijëve, duke përfshirë dhe shantazhet me foto nga video-biseda me ta.

Zëdhënesi australian i eSafety tha se, më shqetësuese se statistikat është fakti që hetuesit kanë zbuluar një numër në rritje të forumeve, ku predatorët e rrjetit të errët diskutojnë me njëri-tjetrin sesi kanë mundësi të shtuara në aktet e tyre, prej izolimit të fëmijëve.”

Ai sugjeron prindërit se, “Nëse nuk jeni të sigurt për një aplikacion apo rrjet lojrash, kontrollojini që të kuptoni si aspektet pozitive dhe ato negative”. Krahas aplikacioneve si Facebook e YouTube, predatorët shfrytëzojnë dhe forumet e chatit në rrjetet e lojrave, ose rrjete më pak të njohura sociale si ai i Omegle.

The Guardian

Must watch
Business Mag Nr. #22 - Dhjetor 2019

Kemi ndjekur me vëmendje zhvillimet në ekonomi, e në veçanti ata që ne i quajmë gjeneratorët e kësaj ekonomie, sipërmarrësit privatë. Padyshim që sfidat janë të mëdha. Tregje të pa konsoliduara, konkurrencë e pandershme në shumë sektorë, pak mundësi për financim dhe investime në projekte të reja, Por ne kemi vërejtur gjithashtu një dinamikë e dëshirë të madhe për të ecur përpara.

Në Numrin 22 të Revistës së Businessmag, ju do të gjeni sipërmarrës të dhjetëvjeçarit të fundit, të cilët po shënojnë historinë e tyre të suksesit pa u ndier. Aktivë, energjikë, vizionarë dhe shumë të thjeshtë, ata mund të jenë një model shumë i mirë për t’u ndjekur. I tillë është Urani. Pasioni për perfeksionizëm e siguri nuk ia ul ritmin marramendës të ngritjes dhe zhvillimit të një biznesi. Ai sot ka ngritur një rrjet biznesesh të tija dhe administron edhe sipërmarrje të tjera.

Në brendësi të revistës do të gjeni edhe sipërmarrës të tjerë, nga Shqipëria dhe Kosova.

Ky numër u është dedikuar personazheve të suksesshshëm dhe zhvillimit të aftësive në shërbim të tregut. Ndaj i kemi dedkuar një paketë speciale artikujsh kapitalit njerëzor, rëndësisë së tij, sfidave dhe projekteve të vitit të arshshëm, të prezantuara në Shkollën Verore organizuar nga projekti zviceran “Aftësi për Punë”.

Mes personazheve ju sjellim Brizida Delvina, administratore e një hoteli në Tiranë, Ajo ka zhvilluar një karrierë ideale në fushën e hoteleri-turizmit. Edhe pse Brizida pëlqen të rrijë larg vëmendjes, ajo është një model frymëzues dhe një mentore e mundshme, tashmë edhe për ju që do …

Shiko më shumë
Na ndiqni në rrjetet sociale