Një biznes i vogël artizanal që gërsheton penj, emocione dhe vlera sentimentale! - Business Magazine Albania

Një biznes i vogël artizanal që gërsheton penj, emocione dhe vlera sentimentale!

Ngritja e një biznesi në ditët e sotme rrjedh nga pasioni dhe dëshira për të krijuar dhe punuar për veten. Ky është një hap që përmban sfida të mëdha dhe nuk ka ende një formulë specifike për të bërë një biznes 100% të suksesshëm. E intervistuara , Kozeta Shehu , është një studente mjekësie që ka pasion qëndismën dhe prej dy vitesh ka krijuar biznesin e saj të vogël artizanal të njohur me emrin “Puthje nëpër penj”.

A mund të më tregoni rreth iniciativës tuaj për të patur një biznes të tillë artizanal? Nga lindi kjo dëshirë?

Rreth dy vite më parë mendova që të hapja një faqe instagrami me dëshirën dhe pasionin për të patur një hapësirë krijuese e shprehëse.

Unë kam mësuar që e vogël të merrem me qendisma dhe rrjedhimisht mendova që këtë pasion tim ta ndaj dhe me të tjerët duke e vënë në shërbim të tyre.

 “Puthje nëpër penj” është një emër shumë kreativ, i cili lehtësisht të tërheq vëmendjen. Nga erdhi ky emër? A ishte ai një strategji marketingu për të përthithur më shumë vëmendjen e audiencës?

Ashtu e ndjeva. Me punët e mia krijuese unë nuk synoj që të krijoj vetëm objekte dekori por copëza që kanë histori dhe vlerë sentimentale. Klientët më dhurojnë historitë dhe emocionet e tyre dhe unë ju jap mbrapsht një punim të punuar me shumë dashuri. Sa i përket marketingut, sigurisht që detaje të tilla kreative vlerësohen pozitivisht në biznese dhe e njëjta gjë ndodhi me mua. Njerëzit e pëlqyen dhe e vlerësuan si një gjetje interesante.

Ka disa hapa  shumë të rëndësishme që duhen ndjekur kur merr përsipër hapjen e një biznesi. A bëre studime mbi konkurrencën e tregut dhe sa e vështirë ishte për ty t’i qaseshe atij? 

Unë e dija që vështirësitë do ishin të shumta dhe rreziku i dështimit ishte në pritshmëritë e mia. Duke qenë se ky lloj arti konsiderohet pak i vjetër dhe nuk është në trendet e kohës ekzistonte mundësia të mos pëlqehej nga audieca. Në fillim kisha një stepje të madhe por duke e gërshetuar këtë art dhe me punime moderne ia dola që të arrij aty ku desha. Ishte dashuria për të bukurën shtysa kryesore që sot ky biznes është kthyer në qëllimin për të treguar histori mes copave dhe penjve duke krijuar marrëdhënie njerëzore dhe jo vetëm konsumatore.

Lexo: Flutura Xhabija: Gratë sipërmarrëse janë pa mbështetje

Instagrami yt që është dhe platforma kryesore ku ti promovon produktet e tua dhe zhvillon biznesin tënd, është i kuruar estetikisht deri në detajet më të vogla. Vetë ke zgjedhur ta menaxhosh në atë lloj mënyre?

Oh, po. Unë jam shumë e apasionuar pas artit dhe ngjyrave në përgjithësi. Më pëlqen shumë që shkrepjet e fotove t’i bëj vetë dhe gjithmonë kujdesem edhe për detajet më të vogla në sfond. Deri në hapjen e një atelie të mirëfilltë instagrami im do të shërbejë si i tillë prandaj dua që të jetë sa më i kuruar.

Tashmë kaluan dy vite dhe ti numëron qindra klientë që i duan punimet e tua dhe të ndihmojnë që ta rrisësh shumë biznesin tënd. Si ndihesh për këtë fakt?

Më beso që ndihem kaq e lumtur kur shoh shkëlqimin e tyre të syve në momentin që marrin produktin. Aty është gjithë shpërblimi i punës time. Unë i harroj të gjithë orët e gjata mbi punë dhe ia dedikoj vetëm atij momenti. Klientët e mi që sa vijnë e rriten në numër   janë ata që e mbajnë gjallë këtë biznes dhe që me shtyjnë të punoj akoma më shumë. U jam shumë mirënjohëse të gjithëve.

Çfarë mesazhi ke për t’u dhënë të gjithë njerëzve që janë në prag të hapjes së një biznesi?

Të gjithë e dimë që realiteti shpesh është ndrydhës dhe shumë sfidues e po ashtu është e vështirë të gjesh veten dhe punën që do të bësh me pasion. Mos kini frikë për të shprehur veten, gjërat që pëlqeni. Krijoni dhe kthejeni biznesin tuaj në punën që keni dashur gjithmonë. Nëse e doni shumë dhe punoni akoma më shumë për të, do ia dilni!

Intervistoi, Sabina Iskurti

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #25 - Mars 2021

Kjo periudhë përkon me një vit të plotë në kushte pandemie në vendin tonë, në Europë dhe në mbarë botën. Në një vit ndodhën shumë zhvillime, të paparashkuara ndonjëherë më parë nga ne, duke hedhur poshtë shumë plane apo projekte tonat për rritjen. Por, në këtë kohë sipërmarrje të ndryshme u vunë në lëvizje për të gjetur zgjidhje të reja e për të siguruar mbijetesën.

Në këtë numër të revistës, vijnë zhvillimet përmes gjurmëve që kanë lënë tek industri, sipërmarrje apo individë sipërmarrës.

Pano Soko, ekonomist i njohur flet për efektet e paketave ekonomike të mbështetjes dhe nevojën për paketa ndihme në industritë e prekura.

Rubrika 3X3 i kushtohet industrisë së verërave. Nga intervistat tona me 3 prodhues rezulton se

verërat shqiptare janë të “paralizuara” nga pandemia.

Verërat janë në një trend me turizmin. Brunila Liçaj, profesore dhe eksperte në fushën e turizmit është optimiste për të ardhmen e kësaj fushe.

Në rubrikën e brandeve kemi sjellë, fabrikën e qumështit dhe prodhimeve të bulmetit “Lufra”, ndërsa një brand që po rimëkëmbet nga Kosova është prodhuesi i këpucëve artizanale “Perolli”. Të dy këto brande janë model frymëzimi për njerëzit e punës!

Një pjesë e rëndësishme e revistës i dedikohet konkursit dhe fituesve të Businessmag në …

Shiko më shumë
Na ndiqni në rrjetet sociale
0