Air Force One, është një nga aeroplanët më të shpejtë të pasagjerëve në botë. Ai është një aeroplan i modifikuar i serisë Boeing 747-200B dhe mund të arrijë një shpejtësi maksimale prej 0,84 mach, e barabartë me rreth 1040 kilometra në orë. Por Pentagoni dëshiron që avioni të fluturojë shumë më shpejt.
Forcat Ajrore të SHBA-së i kanë dhënë një kontratë kompanisë Exosonic në mënyrë që ajo të fillojë të projektojë një avion presidencial që mund të udhëtojë me shpejtësi supersonike – mbi 1 mach, ose mbi 1235 kilometra në orë.
Çmimi i hulumtimit, me vlerë 1 milion dollarë, do të financojë punën për të modifikuar aeroplanët ekzistues të Exosonic në një avion të nivelit presidencial.
Exosonic do të ‘zhvillojë një avion ekzekutiv supersonik që do të lejojë vendimmarrësit dhe ekipet kryesore zyrtare të udhëtojnë nëpër botë në gjysmën e kohës që duhet tani!” – njoftoi Qendra e Menaxhimit të Forcave Ajrore, në një postim në Twitter, javën e kaluar.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
