"Nis biznesin tënd në 54 orë" në Startup Weekend Tirana! - Business Magazine Albania

“Nis biznesin tënd në 54 orë” në Startup Weekend Tirana!


Startup Weekend është një event që do të zhvillohet në datat 6-8 Maj, ora 18:00 në ambjentet e Harry Fultz, gjatë të cilit grupet e zhvilluesve, menaxherët e biznesit, entuziastët e startupeve, gurutë e marketingut, artistët grafikë dhe ide të tjera inovative për startupe të reja formojnë ekipe rreth këtyre ideve dhe punojnë për të zhvilluar një prototip pune, demo ose prezantimi të Dielën në mbrëmje.

Startup Weekend si kohëzgjatje shtrihet gjatë një fundjave (përreth 54 orë), dhe përbëhet përgjithësisht nga 60-120 pjesëmarrës. Përveç pjesëmarrësve (qё njihen ndryshe edhe si “Luftëtarët e Fundjavës”), eventi tërheq spikera, trajnerë, pjesëtarë të panelit që përgjithësisht janë pjesëtarë të spikatur të komunitetit të startupeve ose të njohur në fushën e teknologjisë), dhe sponsorë të ndryshëm dhe përfaqësues të kompanive.

Një pjesë e mirë e grupeve punojnë së bashku përtej fundjavës për ndërtimin e një startupi që funksionon në mënyrë të plotë, ndërsa një pjesë tjetër marrin me vete eksperiencën e fillimit dhe rrjetëzimin me individë që ndajnë të njëjtat aspirata.

Programi i eventit përfshin:

DITA 1: Takim, Prezantim & Formim Ekipi

• Darkë & Rrjetëzim

Njohje me miqtë e rinj dhe me njerëzit e rinj me të cilët do tё punojnё skuadrat.

• Zgjidhja e projektit

Zgjidhja e një projekti me të cilin do të punohet gjatë fundjavës

• 60 sekonda për prezantim

“Keni një ide? Ju keni një minutë kohë për t’u prezantuar para një grupi.”

• Ndërtimi i një ekipi

Nuk ka rëndësi nëse është ideja jote apo e dikujt tjetër, ju do të krijoni një skuadër ndërfunksionale me të cilën do të punoni në fundjavë.

DITA 2: Punoni & Mësoni

• Mësoni nga më të mirët

Mentorët lokalë do të jenë në event për t’ju mentoruar përgjatë problemeve të vështira

• Nisja e punёs

Ju jeni përgjejgjës për gjetjen e konsumatorëve deri te ndërtimi i produktit.
DITA 3: Prezantimi & Zgjedhja

• Prezantimi para panelit të jurisë

Kulminimi i javës ku skuadrat do të kenë 5 minuta kohë për të prezantur produktin ose shërbimin para audiencës dhe ekspertëve të jurisë.

• Festime

Pjesëtarët e skuadrave janë prezentë gjatë prezantimit të punës së skuadrave tё tjera ku kёta tё fundit kanë shansin të përfshihen në bisedime me jurinë dhe të konsultohen me mentorët.

Përpos avantazheve të tjera dhe eksperiencës së marrë në event, fituesit e tre çmimeve të para do të përfitojnë në formë monetare shpёrblimet sipas kategorive:

1. Premier- 5000 $
2. Platinum- 2500 $
3. Gold- 1000 $
4. Silver- 500 $

Për më tepër informacion vizitoni: http://www.up.co/communities/albania/tirana/startup-weekend/8563 ose kontaktoni në adresën e emailit [email protected].

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #28 - Prill 2022

Si sipërmarrës e keni dëgjuar, madje e keni predikuar shprehjen: jeta nuk bëhet më e lehtë, thjesht ju bëheni më të fortë. Kësaj radhe po e përjetojmë siç nuk e kishim imagjinuar.

Ndërsa po synonim të dilnim nga kthetrat e pandemisë, një tjetër plagë goditi Europën. Sulmi rus ndaj Ukrainës, i pakonceptueshëm nga bota moderne, erdhi si një Tsunami në Europë dhe madje në të gjithë Botën. Lufta me armë shkatërruese, deri tek kërcënimi i përdorimit të armëve nukleare, po sjell një dëm të jashtëzakonshëm për Ukrainën dhe popullin e saj. Mijëra të vrarë dhe mbi 4 milionë të shpërngulur nga vendi, pavarësisht rezistencës së fortë dhe të paparashikuar të ukrain- asve.

Zhvillimet dinamike në më pak se një muaj, çuan në vendime të pamenduara më parë për dhjetëra kompani ndërkombëtare. Tregjet e lëndëve të para panë çmime të rritura me ritmet më të larta të 40 viteve të fundit, ndërsa sheshet në kryeqytetet botërore, përfshirë Tiranën, pritën protestat, fillimisht kundër luftës e më tej kundër rritjes së çmimeve. Më 8 Mars, Çmimi i Naftës kaloi nga 199 lekë/litër në 260-270 lekë për litër, ndërsa po gjatë marsit, çmimi i bukës masive kaloi nga 80 lekë në 100 dhë së fundi 120 lekë. Qeveria ngriti komitete për të …

Shiko më shumë
Na ndiqni në rrjetet sociale
0