Ngrihen 26 qendra shëndetësore verore
Përditësuar së fundmi: 21/06/2018

Ngrihen 26 qendra shëndetësore verore

Share
nga Albana Mucaj
Qer 21, 2018

Është bërë praktikë tashmë që qendrat shëndetësore të marrin vëmendje gjatë verës për pikat e turizmit detar. Për herë të parë pranë plazhit të Tales në Lezhë është hapur një qendër shëndetësore verore në shërbim të pushuesve që frekuentojnë këtë plazh. Ministrja e Shëndetësisë Ogerta Manastirliu vizitoi nga afër qendrën shëndetësore, e cila ofron shërbim 12 orësh.

Ajo theksoi se hapja e kësaj qendre verore si dhe vendosja e një autoambulance fikse në zonën e plazhit erdhi nga nevojat e shfaqura vitin e kaluar dhe kërkesat e vazhdueshme për shkak të frekuentimit të lartë ditor të plazhit të Tales.

Lexoni: Droni i ambulancës që mund t’iu shpëtojë jetën

Në të gjithë vendin janë parashikuar 26 qendra verore në dispozicion të pushuesve në zonat turistike me shërbim 24 orë.

Ministria e Shëndetësisë bën të ditur se gjithashru se për mbarëvajtjen e sezonit turistik, po kryhet dezinsektimi pranë zonave turistike.