Ekonomistët në Swedbank AB, një nga bankat më të mëdha në Suedi, presin që çmimet e banesave në Suedi të ulen me 15% nga kulmi i këtij viti, mes rritjes së kostove të jetesës dhe inflacionit, të cilat vetëm e pengojnë zgjerimin ekonomik.
Swedbank tani pret që ekonomia suedeze të zgjerohet me 0.4% vitin e ardhshëm, nga një parashikim i prillit prej 2.3%, pasi rritja më e shpejtë e çmimeve në tre dekada ” vendos një “batanije të lagësht” mbi ekonominë e nxehtë suedeze”, tha huadhënësi në një raport të perspektivës ekonomike.
Lexo edhe: Vendet që po i paguajnë njerëzit për t’u zhvendosur drejt zonave rurale
Sipas ekonomistëve, inflacioni i lartë dhe rritja e normave të hipotekave janë duke ngritur presion mbi tregun e banesave, i cili tashmë ka parë rënie të çmimeve nga një kulm në fillim të këtij viti. Banka sheh se rënia do të vazhdojë në gjysmën e parë të vitit të ardhshëm, përpara se çmimet e banesave të stabilizohen pasi pasiguria rreth rritjes së normave të hipotekave ulet dhe inflacioni ngadalësohet.
Banka e tretë më e madhe e Suedisë për nga vlera e tregut paralajmëroi gjithashtu se një situatë e pasigurt politike pas zgjedhjeve të muajit të ardhshëm rrezikon të bllokojë reformat e rëndësishme ekonomike./ Bloomberg
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
