Në qershor nis ndërtimi i gazsjellësit TAP në Shqipëri - Business Magazine Albania

Në qershor nis ndërtimi i gazsjellësit TAP në Shqipëri


Ndërtimi i tubacioneve të TAP në Shqipëri dhe në Greqi do të nisë më qershor. Ministri i Energjisë dhe Industrisë, Damian Gjiknuri ka marrë pjesë në ministerialin për korridorin jugor të gazit, në Baku të Azerbajxhanit.

“Në këtë takim u theksua edhe njëherë rëndësia e Korridorit Jugor të Gazit dhe mbi të gjitha angazhimi që kanë marrë të gjitha shtetet për të bërë të mundur realizimin e këtij projekti kaq të rëndësishëm, pra bëhet fjalë për projektin TANAP dhe TAP. Doli shumë e qartë se progresi i TAP është i dukshëm dhe u konfirmua dhe njëherë se financimet janë të mundshme, u garantua se punimet në terren në Shqipëri për tubacionin do të fillojnë në mesin e këtij viti”, tha minsitri Gjiknuri.

Një mbështetje iu dha dhe projektit IAP, gazsjellësi joniano-adriatik, degëzimi i TAP, që do të lidhë Shqipërinë me Malin e Zi, Bosnjen dhe Kroacinë. Me interes tha ministri Gjiknuri është edhe degëzimi i gasjellësit me Kosovën.

“Edhe në deklaratën përfundimtare u përfshi dhe gjeti mbështetje nga vendet pjesëmarrëse ideja e zgjerimit të këtij projekti me atë që tanimë njihet si gazsjellësi Jonian-Adriatik (IAP). Aktualisht, Shqipëria bashkë me Malin e Zi kanë aplikuar në Komisionin Evropian për financimin e dizajnit përfundimtar të këtij gazsjellësi. Nga ana tjetër, u përmend edhe aplikimi që ka bërë Shqipëria dhe Kosova për studimin e fizibilitetit të degëzimit të mundshëm të gazsjellësit me segmentin Shqipëri-Kosovë. Këto janë zhvillime të rëndësishme që u theksuan edhe njëherë dhe gjetën mbështetjen e gjithë pjesëmarrësve në këtë takim, Shteteve të Bashkuara të Amerikës, Komisionit Evropian dhe të gjitha shteteve të Korridorit të Jugut”, theksoi ministri Gjiknuri.

Gjatë punimeve të konferencës ministri Gjiknuri zhvilloi bisedime me homologët e pranishëm dhe me përfaqësuesit e lartë të Shteteve të Bashkuara të Amerikës dhe Bashkimit Evropian.

 

/Top-Channel/

Must watch
Business Mag Nr. #25 - Mars 2021

Kjo periudhë përkon me një vit të plotë në kushte pandemie në vendin tonë, në Europë dhe në mbarë botën. Në një vit ndodhën shumë zhvillime, të paparashkuara ndonjëherë më parë nga ne, duke hedhur poshtë shumë plane apo projekte tonat për rritjen. Por, në këtë kohë sipërmarrje të ndryshme u vunë në lëvizje për të gjetur zgjidhje të reja e për të siguruar mbijetesën.

Në këtë numër të revistës, vijnë zhvillimet përmes gjurmëve që kanë lënë tek industri, sipërmarrje apo individë sipërmarrës.

Pano Soko, ekonomist i njohur flet për efektet e paketave ekonomike të mbështetjes dhe nevojën për paketa ndihme në industritë e prekura.

Rubrika 3X3 i kushtohet industrisë së verërave. Nga intervistat tona me 3 prodhues rezulton se

verërat shqiptare janë të “paralizuara” nga pandemia.

Verërat janë në një trend me turizmin. Brunila Liçaj, profesore dhe eksperte në fushën e turizmit është optimiste për të ardhmen e kësaj fushe.

Në rubrikën e brandeve kemi sjellë, fabrikën e qumështit dhe prodhimeve të bulmetit “Lufra”, ndërsa një brand që po rimëkëmbet nga Kosova është prodhuesi i këpucëve artizanale “Perolli”. Të dy këto brande janë model frymëzimi për njerëzit e punës!

Një pjesë e rëndësishme e revistës i dedikohet konkursit dhe fituesve të Businessmag në …

Shiko më shumë
Na ndiqni në rrjetet sociale
0