Në Europë, porositë paraprake për Samsung Galaxy Note10 tejkalojnë ato të Galaxy Note9 


Përpara përvjetorit të dhjetë të gamës Galaxy, Samsung Electronics ka zbuluar sot se linja Galaxy Note10 ka gjeneruar më shumë porosi paraprake sesa Galaxy Note9 në 2018 në Evropë.

Duke përfaqësuar mbi gjysmën e shitjeve, versioni prizmatik Aureolë me shkëlqim është aktualisht zgjedhja më popullore në tregjet evropiane, duke treguar një trend të konsumatorëve që zgjedhin një gamë më të larmishme të ngjyrave të pajisjeve.

Në të gjithë Evropën, ekziston gjithashtu një preferencë për pajisje më të mëdha me performancë të lartë, me Galaxy Note 10+ që përfaqeson pjesën më të madhe të porositjeve paraprake.

Me një ekran Cinematic Infinity Display pa kornizë, S Pen më të avancuar dhe opsionet më të fundit për të kapur video dhe foto mahnitëse, Galaxy Note10 është krijuar për të lidhur punën dhe jetën lehtësisht, duke kombinuar dizajnin elegant me performancën e fuqishme.

Për herë të parë, Note 10 është në dispozicion në dy madhësi: Galaxy Note10 i dedikohet përdoruesve që duan fuqinë e S Pen në një faktor të formës kompakte, ndërsa Galaxy Note10 + përmban ekranin më të madh të serisë Note me një ekran 6.8-inch Cinematic Infinity. Të dhënat e ruajtura në të dy pajisjet mbrohen nga platforma e sigurisë Knox.

Për herë të parë, edhe 5G po vjen në gamën e Note[1], duke i lejuar klientët të shfrytëzojnë plotësisht rrjetin e gjeneratës tjetër për transmetimin e videove me rezolucion të lartë, shkarkime super të shpejta dhe lojëra me performancë të lartë në kohë reale.

Mark Notton, Drejtor i Portofolit të Produkteve në Samsung Mobile Europe komentoi: “Për vite me radhë, seria Galaxy Note ka ndihmuar përdoruesit besnikë në të gjithë Evropën të ndjekin pasionet e tyre dhe të arrijnë qëllimet e tyre. Linja Galaxy Note10 është një evolusion i serisë, që lejon konsumatorët të vojnë produktivitetin dhe kreativitetin e tyre në nivelin tjetër.

“Është inkurajuese të shohësh një përgjigje kaq pozitive për porositë paraprake në Evropë, me variantet tona Note 10 dhe Note10 + që u ofrojnë klientëve më shumë zgjedhje se kurrë. Pas lancimit të S10 5G në fillim të këtij viti, ne jemi gjithashtu duke vazhduar angazhimin tonë ndaj teknologjisë 5G përmes gamës së Note dhe pajisjeve të tjera, të cilat besojmë se do të ndryshojnë mënyrën se si konsumojmë përmbajtje dhe lidhemi me miqtë e familjen tonë. “

Must watch
Business Mag Nr. #23 - Qershor 2020

Të gjitha planet tuaja për këtë vit, si individë apo sipërmarrës mund të jenë përmbysur. Mbërritja e Coronavirusit në Shqipëri paralizoi gjithçka, ashtu si kudo. Në mënyrë të papritur na vuri në kushte tërësisht të tjera pune, na shtoi pasigurinë e shqetësimin për të ardhmen.

Sipërmarrjet, kryesisht në fushën e IT u përshtatën më shpejt, duke angazhuar punonjësit nga shtëpia. Ato zhvilluan dhe më tej mundësitë për të punuar në distancë, ndërkohë që shumë kompani të tjera u mbyllën plotësisht.

Kjo është një periudhë sprove, për individin, drejtuesit dhe liderin. Kjo është lufta që po zhvillohet në spitale dhe fronti i parë i saj janë mjekë, infermierë e sanitarë. Historia e ekonomisë k a treguar se gjithmonë pas një situatë të vështirë ka një ringritje. Dhe ne besojmë se kështu do të jetë.

Deri atëhërë ajo çka na mbetet të bëjmë është respektimi i rregullave të kërkuara, marrja e përgjegjësive ndaj të tretëve për aq sa mundemi, e të interesohemi për të pamundurit, të ndajmë diçka për ta.

Solidariteti nuk ka munguar e nuk do të na mungojë as kësaj radhe. Ajo çfarë doli në pah krahas solidaritetit ishte varfëria: e shtetit, e kompanive dhe e vetë individëve.

Një ditë pas dërgimit të 30 bluzave të bardha në Itali, The Guardian na vlerësoi në artikullin e saj si zemërgjerë edhe pse Ky numër ishte planifikuar të botohej në Prill 2020, por procesi u shty për shkak të masave të ndërmarra si pasojë e shpërthimit të Covid-19. Edhe pse në kohë vështirësish, jemi …

Shiko më shumë
Na ndiqni në rrjetet sociale