Ndryshimet në ligjin për portalet, gjoba deri në 10 mijë dollarë ndaj portaleve për moszbatim të vendimeve të AKEP dhe AMA - Business Magazine Albania

Ndryshimet në ligjin për portalet, gjoba deri në 10 mijë dollarë ndaj portaleve për moszbatim të vendimeve të AKEP dhe AMA


Qeveria dhe mazhoranca socialiste kanë kryer një gjysmë tërheqje me mosvotimin e ndryshimeve në ligj për mediat, ndërkohë që kanë avancuar me rrëzimin e dekretit të Presidentit dhe votimin e ndryshimeve në ligjin “Për  komunikimet elektronike në Republikën e Shqipërisë.

Gazetarët dhe shoqatat e medias përfshirë OSBE dhe Komisionin Evropian përshëndetën tërheqjen e qeverisë nga votimi ligjit për shpifjet në seancën e janarit 2019 por nuk e kanë kuptuar se axhenda e Kuvendit ka avancuar me rrëzimin e dekretit nr. 11 414, datë 11.1.2020, të Presidentit të Republikës, “Për kthimin e ligjit nr. 92/2019, “Për disa shtesa dhe ndryshime në ligjin nr.  9918,  datë  19.5.2008,  “Për  komunikimet elektronike në Republikën e  Shqipërisë””,  të  Ndryshuar.

Vendimi për dekretin e rrëzuar është botuar sot së bashku me ligjin 9918,  datë  19.5.2008,  “Për  komunikimet elektronike  në  Republikën  e  Shqipërisë””, të  ndryshuar të cilat me rrëzimin e dekretit kanë hyrë automatikisht në fuqi.

Nga 18 shkurti 2020 AKEP do të mund të vendosë gjobat ndaj portaleve që  parashikohen në në nenin 137, në fund të kreut V, ku pas pikës 19 shtohet pika 20 me këtë përmbajtje:“20. Nuk zbatojnë urdhrat/vendimet e AKEP-it,  që  lidhen  me  zbatimin  e  akteve/vendimeve  të Këshillit të Ankesave dhe të AMA-s apo të nxjerra nga çdo organ tjetër me kompetenca ligjore në këtë fushë, sipas nenit 4, të këtij ligji.”

Sipas kreut V ku do shtohen dhe gjobat për portalet parashikohen se “me gjobë në vlerën deri në 1 000 000 (një milion) lekë, për shkeljet e mëposhtme të kryera nga personi juridik që kryen shkelje”. Është e qartë se shumica e portaleve do deklaronin falimentin me gjobën e parë që do të merrnin.

Ndryshimet në ligjin  nr.  9918,  datë  19.5.2008,  “Për komunikimet     elektronike     në     Republikën e Shqipërisë”, të ndryshuar, kanë të bëjnë me përfshirjen e publikimeve elektronike në njëjtin kuptim, sipas përcaktimit të dhënë në legjislacionin në  fuqi  për  shërbimet  e  medias  në  Republikën  e Shqipërisë. Sipas ligjit, në  nenin  3,  pas  pikës  23  shtohen  pikat  23/1 dhe 23/2 me këtë përmbajtje: “23/1.  “Ofruesi  i  shërbimit  të  publikimeve elektronike” ka të njëjtin kuptim, sipas përcaktimit të  dhënë  në  legjislacionin  në  fuqi  për  shërbimet  e medias në Republikën e Shqipërisë.

Në nenin 8, shkronja “k” riformulohet si më poshtë administron domain cc.TLD.al, nëndomainet e  tij,  si  dhe  përcakton  me  rregullore  të  posaçme rregulla  të  hollësishme  për  metodologjinë,  pagesat, procedurën  dhe  mënyrën  e  menaxhimit  të  këtij shërbimi, në përputhje me legjislacionin në fuqi dhe standardet ndërkombëtare.”.

Në nenin 12, pas pikës 2 shtohet pika 3 me këtë përmbajtje:“3.  AKEP-i bashkëpunon   me   AMA-n   në përputhje   me   parashikimet   e   këtij   ligji   dhe dispozitave   të   tjera   nënligjore,   si   dhe   siguron zbatimin e vendimeve të Këshillit të Ankesave dhe organeve të tjera të AMA-s, duke detyruar ofruesit e  shërbimeve  të  aksesit  në  internet  të zbatojnë aktet/vendimet  përkatëse  të  këtyre  autoriteteve, sipas  afateve  dhe  procedurave  të  parashikuara  në legjislacionin në fuqi”.

Monitor

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #34 - Mars 2024

Për një vit të mbarë!

Viti 2024 ka nisur me sfidat dhe mundësitë e tij. Ndërsa kompanitë do të duhet të përballen me disa ndryshime ligjore dhe njëkohësisht trendet e tregjeve: si rritje çmimesh dhe rritje e kostos së fuqisë punëtore, startupet janë para mundësive dhe një klime favorizuese. Thirrje të shumta janë hapur në fushën e biznesit, kulturës dhe ideve të gjelbërta. Ndër më të rëndësishmit, programi i qeverisë për financimin e 80 startupeve në tre faza zhvillimi të tyre

Për të kuptuar rëndësinë e bizneseve të reja, veçanërisht në teknologji, mjafton të shohim që edhe sipërmarrje të konsoliduara vendase, si një grup kompanish si Balfin, kanë një vëmendje të theksuar tek startupet. Z. Samir Mane, President i këtij grupi, prej kohësh ka treguar interes, duke i mbështetur, por edhe duke investuar në një prej startupeve që pritet të sjellë revolucion në bio-inxhinieri. Vëmendja tek risia dhe inovacioni vlerësohet të jetë një nga arsyet kryesore, përse audienca jonë e zgjodhi në kompeticionin tonë të dhjetorit si Sipërmarrësi i Vitit. Në një intervistë ekskluzive, z. Mane tregon për ne copëza domethënëse nga …

Shiko më shumë
Na ndiqni në rrjetet sociale
0