Ndiheni sikur nuk jeni të motivuar për të punuar? Ja çfarë duhet të bëni


Ne të gjithë kemi momentet tona që nuk ndihemi mjaftueshëm të motivuar për të punuar në ditë të caktuara. E dimë që duhet të punojmë për të arritur qëllimet, por ndihemi të lodhur dhe të pafuqishëm.

Për fat të mirë, shkenca ka studiuar mënyra të shumta në të cilat ne mund të jemi më produktivë dhe ta bëjmë punën më të thjeshtë dhe të këndshme, sidomos kur për detyrat më të thjeshta duken sikur duhet të ngjitim malin Everest.

Lexoni: A po e sabotoni vetë suksesin e biznesit tuaj?

  1. Pranoni se në çfarë gjendje jeni

Kur nuk jeni të motivuar, ose ndiheni të paralizuar dhe nuk dini se çfarë të bëni për të kapërcyer këtë situatë më e mira është të pranoni gjendjen në të cilën jeni. Ekspertët e shëndetit mendor sugjerojnë praktikën e vetë-dhembshurisë. Në thelb, duke pranuar se situata juaj është vetëm e përkohshme dhe duke iu shmangur torturimit të vetes për të, kjo situatë humbet fuqinë e saj mbi ju. Mendoni për të dhe për mënyrën se si keni qenë në gjendje të kapërceni sfida të ngjashme në të kaluarën.

  1. Jini fleksibël

Nëse diçka nuk po funksionon, provoni ta bëni ndryshe. Për shembull, ndryshoni pamjen tuaj. Bëni mbledhjet tuaja në një park aty pranë, ose shkëmbeni detyrat e punës me një koleg për disa orë. Çfarëdo që të bëni për të ndryshuar gjërat, arsyeja që po i bëni është për t’u vetë kujdesur, për t’u rikarikuar, rifreskuar dhe për t’u kthyer në formë.

  1. Përqendrohuni në detyrat që ju interesojnë

Për t’ju ndihmuar të përballoni rrethanat tuaja që nuk doni të jeni në punë, por diku duke u relaksuar, studimet thonë se ju duhet të filloni ditën tuaj me detyra kuptimplota që kanë një qëllim prapa tyre, sesa me detyra që do t’ju sjellin më tej në vorbullën e apatisë. Organizojeni punën tuaj rreth çdo gjëje që ju sjell gëzim dhe kënaqësi.

  1. Thoni JO

Njerëzit produktivë jetojnë sipas vlerave dhe qëllimeve të tyre. Ata nuk kanë asnjë problem nëse u thënë JO njerëzve apo gjërave që nuk u shërbejnë atyre. Pra, nëse diçka ju vjen sot që ka pak vlerë dhe nuk do ua bëjë të nesërmen më të mirë, thjesht refuzojeni.

  1. Merrni një sy gjumë pasdite

Kjo tingëllon në kundërshtim me të qenit produktivë, por sipas hulumtimit të botuar në New York Times, një sy gjumë i shkurtër në pasdite në të vërtetë rrit produktivitetin dhe performancën në punë. E vërteta është, njerëzit nuk janë të gjendje të përqendrohen për më shumë se tre orë në të njëjtën gjë. Çdo gjë përtej kësaj pa marrë një pushim, apo një sy gjumë të shkurtër do ju bëjë të filloni të përjetojnë efektet negative të lodhjes dhe mungesën e fokusit.

Lexoni: 5 gjëra që ju ulin produktivitetin

  1. Përqendrohuni në planifikimin afatgjatë

Në mënyrë tipike, shumica prej nesh ulen një ditë më parë dhe planifikojnë listën e tyre të detyrave për ditën tjetër. Sipas Cal Newport, profesor i shkencave kompjuterike në Universitetin Georgetown dhe autor i veprës Deep Work: Rules for Focused Success in a Distracted World, kjo është qasja e gabuar, sepse na kushton të mendojmë afatshkurtër, në vend që të shohim një pamje më të madhe me kohën dhe orarin tonë.

burimi: ThriveGlobal

Must watch
Business Mag Nr. #23 - Qershor 2020

Të gjitha planet tuaja për këtë vit, si individë apo sipërmarrës mund të jenë përmbysur. Mbërritja e Coronavirusit në Shqipëri paralizoi gjithçka, ashtu si kudo. Në mënyrë të papritur na vuri në kushte tërësisht të tjera pune, na shtoi pasigurinë e shqetësimin për të ardhmen.

Sipërmarrjet, kryesisht në fushën e IT u përshtatën më shpejt, duke angazhuar punonjësit nga shtëpia. Ato zhvilluan dhe më tej mundësitë për të punuar në distancë, ndërkohë që shumë kompani të tjera u mbyllën plotësisht.

Kjo është një periudhë sprove, për individin, drejtuesit dhe liderin. Kjo është lufta që po zhvillohet në spitale dhe fronti i parë i saj janë mjekë, infermierë e sanitarë. Historia e ekonomisë k a treguar se gjithmonë pas një situatë të vështirë ka një ringritje. Dhe ne besojmë se kështu do të jetë.

Deri atëhërë ajo çka na mbetet të bëjmë është respektimi i rregullave të kërkuara, marrja e përgjegjësive ndaj të tretëve për aq sa mundemi, e të interesohemi për të pamundurit, të ndajmë diçka për ta.

Solidariteti nuk ka munguar e nuk do të na mungojë as kësaj radhe. Ajo çfarë doli në pah krahas solidaritetit ishte varfëria: e shtetit, e kompanive dhe e vetë individëve.

Një ditë pas dërgimit të 30 bluzave të bardha në Itali, The Guardian na vlerësoi në artikullin e saj si zemërgjerë edhe pse Ky numër ishte planifikuar të botohej në Prill 2020, por procesi u shty për shkak të masave të ndërmarra si pasojë e shpërthimit të Covid-19. Edhe pse në kohë vështirësish, jemi …

Shiko më shumë
Na ndiqni në rrjetet sociale